އަންނަ އޭޕްރީލް މަހުގެ ހަވަނަ ދުވަހު ބޭއްވުމަށް ހަމަޖެހިފައިވާ ރައްޔިތުން މަޖިލީހުގެ އިންތިޚާބުގައި އިދިކޮޅި ޕީޕީއެމްއާ ކޮންގްރެސް ޕާޓީގެ ޓިކެޓުގައި މަޖިލީހަށް ވާދަކުރާ ހަ ދާއިރާއެއްގެ ޕްރައިމަރީ ބާއްވައިފިއެވެ.
ޕްރައިމަރީ ބާއްވާފައިވާ ހަ ދާއިރާއަކީ މަކުނުދޫ ދާއިރާ، އަލިފުށި ދާއިރާ، ތުލުސްދޫ ދާއިރާ، ފެލިދޫ ދާއިރާ، މުލަކު ދާއިރާގެ އިތުރުން ކިނބިދޫ ދާއިރާ އެވެ. މި ދާއިރާތަކަށް ޖުމްލަ ހަ ކެންޑިޑޭޓުން ވަނީ ވާދަކޮށްފައެވެ.
- ޕްރައިމަރީ ކާމިޔާބު ކުރެއްވި ބޭފުޅުން:
- • މަކުނުދޫ ދާއިރާ: ޔަޝްފާ ޢަބްދުލްޣަނީ.
- • އަލިފުށި ދާއިރާ: އަޙްމަދު ޙުސައިން
- • ފެލިދޫ ދާއިރާ: އިބްރާހީމް ފަޒުލް ރަޝީދު
- • ކިނބިދޫ ދާއިރާ: އަޙްމަދު ޚަލީލް
- • މުލަކު ދާއިރާ: މަރްޔަމް ޖުހައިނާ ޞާދިޤް
- • ތުލުސްދޫ ދާއިރާ: އަޙްމަދު ސިއްދީޤް
ޕީޕީއެމް، ޕީއެންސީ ކޯލިޝަނުން ބުނީ ޕްރައިމަރީގެ ކަންކަން ކުރިއަށްދިޔައީ ވަރަށް އަމާންކޮށް ކަމަށެވެ. އިއްޔެ ޕްރައިމަރީ ބާއްވާކަން ކުރިން އިޢުލާންކުރި ފުވައްމުލަކު އުތުރު ދާއިރާއާއި ނޮޅިވަރަމް ދާއިރާގެ ޕްރައިމަރީ ފަހުން ބާއްވާގޮތަށް ވަނީ ފަސްކޮށްފައެވެ.
މަޖިލިސް އިންތިޚާބުގައި ވާދަކުރާނެ ކެނޑިޑޭޓުން ހޮވުމަށް ޕީޕީއެމާއި ކޮންގްރެސް ޕާޓީ ހިމެނޭ ކޯލިޝަންގެ ޕްރައިމަރީގައި އެދެ ޕާޓީގެ މެންބަރުންނަށް ވޯޓުލުން ހުޅުވާލިއިރު ގިނަ ޢަދަދެއްގެ މެންބަރުން ވޯޓުލީކަމަށް އެ ދެ ޕާޓީން ބުނެއެވެ.
ޕީޕީއެމުން މީގެ ކުރިން ވަނީ ޕްރައިމަރީއަކާ ނުލައި 63 މީހަކަށް މަޖިލިސް އިންތިޚާބުގެ ޓިކެޓް ދީފައެވެ.