ދިވެހި ޑިޒައިންތަކާއެކު "އާރްއޯ-3"ގެ އައު ކަލެކްޝަނެއް

ދިވެހި ޑިޒައިންތަކާއެކު، ރެވޮލްޓް އޮން ތްރީ، އާރްއޯ-3ގެ އައު އަވިއައިނު ކަލެކްޝަން ތަޢާރަފްކޮށްފިއެވެ.

މިރޭ ހައުސް އޮފް ޖޭޑުގައި، "ކޮންކްރީޓް ބްލޫމް"ގެ ނަމުގައި ކުރިއަށްދިޔަ ލޯންޗިން އިވެންޓުގައި، އާރްއޯ-3ގެ އައިނުތައް ދައްކާލާފައިވެއެވެ. ރެވޮލްޓް އޮން ތްރީ އިން ކުރިން ތަޢާރަފްކުރި އައިނުތަކަށް އާއްމުންގެ ބޮޑު ތަރުޚީބެއް ލިބިފައިވެއެވެ.

ރެވޮލްޓް އޮން ތްރީގެ ފަރާތުން ފާހަގަކުރާ ގޮތުގައި، މި ލޯންޗުކުރި އައު އައިނުތަކަކީ ކުރިއަށްވުރެ ކޮލިޓީ ރަނގަޅު އައިނުތަކެކެވެ. އަދި މި ޑިޒައިންތަކަކީ، ދިވެހިންނާ ގުޅޭ، ދިވެހިންނަށް ކަމުދާނެ ފަދަ ޑިޒައިންތަކެއްކަމަށް ފާހަގަކުރެއެވެ.

އާރްއޯ-3 ބްރޭންޑްގެ އޯނަރ، އަޙްމަދު އައިހަމް ނިޔާޒު ބުނީ މި ފަހަރުގެ އައިނުތައް ލޯންޗުކުރުމުގައި ތަފާތު ޝިއާރެއް ޚިޔާރުކުރީ، ތަފާތު ކޮންސެޕްޓެއްގެ ތެރެއިން އައިނުތައް ލޯންޗުކުރުމުގެ މަޤުސަދުގައި ކަމަށެވެ.

"ސެކަނޑް ލޯންޗަށް ތަފާތު ޔުނީކް ކޮންސެޕްޓަކަށް ބޭނުންވީ ދައްކާލަން. ކޮންޓެމްޕަރަރީ ކަލްޗަރ ބައިވެރިކުރަން ބޭނުންވީ. ހުންނާނެ ހިރިގާ ޑިޒައިން." އާރްއޯ-3 ބްރޭންޑްގެ އޯނަރ، އަޙްމަދު އައިހަމް ނިޔާޒު ބުންޏެވެ.

މި ބްރޭންޑާ ބެހޭ އިތުރު މަޢުލޫމާތާއި އައިނުތަކުގެ ކެޓަލޮގު ބަލައިލުމަށް Revolt on Three ވެބްސައިޓު ނުވަތަ އިންސްޓަގްރާމް ޕޭޖު މެދުވެރިކޮށް އޮޅުންފިލުވޭނެއެވެ.