ކުޑަކުދިންނަށް އުފާވެރި މާޙައުލަކާއި ފުރުޞަތުތައް ފަހިކޮށްދޭން މަސައްކަތްކުރަންޖެހޭ: ފަސްޓް ލޭޑީ

ކުޑަކުދިންނަށް އުފާވެރި މާޙައުލަކާއި ފުރުޞަތުތައް ފަހިކޮށްދޭން މަސައްކަތްކުރަންޖެހޭކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ.

ރައީސްގެ އަނބިކަނބަލުން މިހެން ވިދާޅުވީ ދުނިޔޭގެ ކުޑަކުދިންގެ ދުވަހުގެ މުނަސާބަތުގައި މީސްމީޑިޔާގައި ހިއްސާކުރެއްވި ޕޯސްޓެއްގައެވެ.

މީސްމީޑިޔާގައި ހިއްސާކުރެއްވި ޕޯސްޓެއްގައި ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު ވިދާޅުވީ ކޮންމެ ކުއްޖެއްގެ ވާހަކަވެސް އަޑު އަހައި، އެ ކުދިންނަށް ދިމާވާ އެކި ކަންކަމުގައި އެހީތެރިވާންޖެހޭ ކަމަށެވެ.

މެޑަމް ސާޖިދާ ވިދާޅުވީ ކުޑަކުދިންގެ ހައްޤުތައް ކަށަވަރުކުރެވިފައިވާ ރައްކާތެރި މުޖުތަމަޢެއް ޤާއިމުކޮށް، އެ ކުދިން ކުރާ ޚިޔާލާއި އުންމީދުތައް ޙަޤީޤަތަކަށް ހެދޭނެ ފުރުޞަތުތައް ހޯދައިދިނުމަކީ އަޅުގަނޑުމެން އެންމެންގެ ޒިންމާއެއް ކަމަށެވެ. އަދި ކުޑަކުދިންނަށް އުފާވެރި މާޙައުލެއް ޤާއިމުކޮށް، ކޮންމެ ކުއްޖަކަށްވެސް ފުރުޞަތުތައް ހޯދައިދޭން މަސައްކަތްކުރަންޖެހޭކަމަށް މެޑަމް ސާޖިދާ ވިދާޅުވިއެވެ.

މެޑަމް ސާޖިދާ ވިދާޅުވީ މިއަދަކީ ކުޑަކުދިންގެ ވާހަކަތައް އަޑު އަހައި، އެ ކުދިންގެ ބޭނުންތައް ފުއްދައިދިނުމަށް ޢަޒުމު ކަނޑައަޅަންޖެހޭ ދުވަހެއް ކަމަށެވެ.

On #WorldChildrensDay, we are reminded that every child carries a voice that deserves to be heard.

Here in the Maldives, and across the world, children show us their dreams, ideas, and courage every day. It is our responsibility to create a society where their rights are…

— First Lady Sajidha Mohamed (@sajidhaamohamed) November 20, 2025

ދުނިޔޭގެ ކުޑަކުދިންގެ ދުވަސް ފާހަގަކުރަނީ ނޮވެންބަރު މަހުގެ 20 ވަނަ ދުވަހުއެވެ. މިއީ އދ.ގެ ކުޑަކުދިންގެ ޙައްޤުތަކާ ބެހޭ ކޮންވެންޝަނަށް ޢަމަލުކުރަން ފެށި ދުވަހެވެ. މި ދުވަސް ފާހަގަކުރުމުގެ ބޭނުމަކީ ކުޑަކުދިންގެ ޙައްޤުތައް ހިމާޔަތްކޮށް، ކުރިއަރާ ދާން ބޭނުންވާ ކަންކަމުގައި އެ ކުދިންނަށް ފުރުޞަތުތައް ހޯދައިދިނުމެވެ.