ރާއްޖެއާއި ޗައިނާއާ ދެމެދުއެކުލަވާލުމަށް މަސައްކަތްކުރާ މިނިވަން ވިޔަފާރީގެ އެއްބަސްވުމުގެ ތިންވަނަމަޝްވަރާތައް މިމަހުގެ ތޭވީހުން ސައްބީހަށް ކުރިއަށްދަނީ ބަނޑޮސް އައިލެންޑްރިސޯޓްގައެވެ. މަޝްވަރާތުގައި ރާއްޖޭގެ ފަރާތުންބައިވެރިވާ ވަފްދުގެ ވެރިޔަކީ އިކޮނޮމިކް މިނިސްޓަރ މުޙައްމަދު ސަޢީދެއެވެ. ޗައިނާސަރުކާރުގެ ވަފްދުގެ ވެރިޔަކީ ޗައިނާއިން ރާއްޖެއަށް ކަނޑައަޅާފައި ހުންނަވާސަފީރު ވަންގ ފުކާންއެވެ.
މިނިވަން ވިޔަފާރީގެއެއްބަސްވުމާބެހޭ މަޝްވަރާތައް ރަސްމީގޮތުން ފަށާފައިވަނީ މިދިޔަ އަހަރުގެ ސެޕްޓެމްބަރުމަހުދިވެހިރާއްޖޭގައެވެ. އަދި ދެވަނަ ބައްދަލުވުން ޗައިނާގައި ބާއްވާފައިވާއިރު،ރާއްޖެއާއި ޗައިނާއިން ތައްޔާރުކޮށްފައިވާ ޖޮއިންޓް ފީސިބިލިޓީ ސްޓަޑީސްދެޤައުމުގެ ސަރުކާރުންވެސް ވަނީ ބަލައިގެންފައެވެ.
img:http://s3.psmnews.mv/images/660x400/14640806437362.jpg|ރާއްޖެއިން ޗައިނާއާއިއެކު ފްރީ ޓްރޭޑް އެގްރީމެންޓެއް ޤާއިމްކުރުމާއިގުޅޭގޮތުން ބާއްވަމުންދާ މަޝްވަރާތަކުގެ ތެރެއިން- ފޮޓޯ: އިކޮނޮމިކް މިނިސްޓްރީ
ބަނޑޮހުގައިމިހާރު ކުރިއަށްދާ ތިންވަނަ މަޝްވަރާތަކުގައި މައިގަނޑު ގޮތެއްގައި ކުރިއަށްދަނީކުރީގެ ދެ ބައްދަލުވުންތަކުގައި މަޝްވަރާކުރެވުނު ކަންކަމުގެ އެއްބަސްވުމަށްކަށްއައުންކަމަށް އިޤްތިޞާދީ ތަރައްޤީއާބެހޭ ވުޒާރާއިން ހާމަކުރައްވައެވެ. ޗައިނާއާއިރާއްޖެއާ ދެމެދު މިނިވަން ވިޔަފާރީގެ އެއްބަސްވުމެއް އެކަށައެޅުމުން ރާއްޖޭގެވިޔަފާރިތަކުން ޗައިނާ މާރކެޓަށް އެކްސްޕޯޓްކުރާ އެކިބާވަތްތައް އެކްސްޕޯރޓްކުރުމުގައިލުއި ގޮތްތަކެއް ލިބިގެންދާނެއެވެ.
އިޤްތިޞާދީ ތަރައްޤީއާބެހޭ ވުޒާރާގެޕާމަނަންޓް ސެކްރެޓަރީ ޔޫސުފް ރިޒާ ވިދާޅުވީ، ޗައިނާއާއި ރާއްޖޭއާ ދެމެދުކުރިއަށްދާ މިނިވަން ވިޔަފާރީގެ ތިންވަނަ ބައްދަލުވުމުގައި ކުރިއަށްދަނީ ކުރީގެމަޝްވަރާތަކުގައި ކުރިއަށްދިޔަ ކަންކަމުގެ މައްޗަށްކަމަށެވެ. ރާއްޖެއާއެކުމިނިވަން ވިޔަފާރީގެ އެއްބަސްވުމެއް އެކުލަވާލުމަށް ޗައިނާގެ އިތުރުން ޗައިނާގެ ހޮންގކޮންގއިންމިހާރު ވަނީ ޝައުޤުވެރިކަން ފާޅުކޮށްފައެވެ.
img:http://s4.psmnews.mv/images/660x400/14640806244050.jpg|ރާއްޖެއިން ޗައިނާއާއިއެކު ފްރީ ޓްރޭޑް އެގްރީމެންޓެއް ޤާއިމްކުރުމާއިގުޅޭގޮތުން ބާއްވަމުންދާ މަޝްވަރާތަކުގެ ތެރެއިން- ފޮޓޯ: އިކޮނޮމިކް މިނިސްޓްރީ
އިޤްތިޞާދީ ތަރައްޤީއާބެހޭވަޒީރު މުޙައްމަދު ސަޢީދު ވިދާޅުވީ، ރާއްޖެ އެންމެ ކުޑަކޮށް ތަރައްޤީވެފައިވާޤައުމެއްގެ ދަރަޖައިން ތަރައްޤީވަމުން އަންނަ ޤައުމަކަށް ބަދަލުވުމުން، ދިވެހިން ބާނާ މަހަށް ދުނިޔޭގެ ބާޒާރުގައި ކުރިންލިބެމުން އައި އަގުތައް މިހާރު ލިބެމުން ނުދާކަމަށެވެ. އެހެންކަމުން ރައީސްޔާމީންގެ އިރުޝާދުގެ ދަށުން ގިނަ ޤައުމުތަކަކާ އެކު ދެކެވުނު ވާހަކަތަކުގެތެރެއިން ދިވެހިން ބާނާ މަހަށް އޭގެ ޙައްޤު އަގު ހޯދާދިނުމަށް ކުރެވޭ މަސައްކަތްވަރަށް އަވަހަށް ކާމިޔާބުވެގެންދާނެ ކަމަށް ވަޒީރު ވިދާޅުވިއެވެ. މިނިސްޓރަ މުޙައްމަދުސަޢީދު ވިދާޅުވީ، މިކަމުން މުޅި ދުނިޔެއަށް ދައްކުވައިދެނީ ޤައުމު ކިތަންމެކުޑަނަމަވެސް އަދި ބާޒަރު ކިތަންމެ ބޮޑު ޤައުމަކާއެކުވެސް އެއް ޤައުމު އަނެއްޤައުމަށް އިޙްތިރާމްކުރުމާއެކު ވިޔަފާރި ކުރެވިދާނެކަން ކަމަށެވެ.
ރާއްޖެއާއިޗައިނާއާ ދެމެދު މިނިވަން ވިޔަފާރީގެ އެއްބަސްވުމެއް އެކުލަވާލުމަށް ނިންމަވައި، އެކަމަށްޖޮއިންޓް ޓްރޭޑް ކޮމިޓީއެއް އެކުލަވާލައްވާފައިވަނީ 2014 ވަނަ އަހަރު ޗައިނާގެރައީސް ޝީ ޖިންޕިންގ ރާއްޖެއަށް ކުރެއްވި ދަތުރުފުޅުގެ ތެރެއިންނެވެ.