ބޭންކް އޮފް މޯލްޑިވްސް، ބީއެމްއެލްއިން ރ. އިނގުރައިދޫގައި ސެލްފް ސަރވިސް ބޭންކިންގ އޭޓީއެމްގެ ޚިދުމަތް ފަށައިފިއެވެ.
މި އޭޓީއެމް ސެންޓަރު މެދުވެރިކޮށް އަމިއްލަ ފަރުދުންނާއި ވިޔަފާރިތަކަށް 24 ގަޑިއިރު ފައިސާ ނެގުމުގެ އިތުރުން ފައިސާ ޖަމާކުރުމާއި، ބިލަށް ފައިސާ ދެއްކުމާއި ޓްރާންސްފަރ ކުރުމުގެ ޚިދުމަތް ލިބޭނެ ކަމަށް ބީއެމްއެލްއިން ވިދާޅުވެއެވެ.
މިޚިދުމަތާއެކު، މިހާރު ބީއެމްއެލްގެ ޚިދުމަތްތައް ރ. އަތޮޅު އުނގޫފާރާއި މީދޫގައި ޤާއިމްކޮށްފައިވާ ދެ ބްރާންޗާއި އަލިފުށި، ދުވާފަރު އަދި އިނގުރައިދޫގައި ޤާއިމްކޮށްފައިވާ ސެލްފް ސަރވިސް ބޭންކިންގ ސެންޓަރުތައް މެދުވެރިކޮށް ލިބޭނެކަމަށްވެސް އެބޭންކުން ވިދާޅުވެއެވެ.
ރ.އަތޮޅުގައި ބްރާންޗެއް ނުވަތަ އޭޓީއެމް އެއް ނެތް މީހުން ދިރިއުޅޭ ކޮންމެ ރަށެއްގައި ބީއެމްއެލްއިން ދަނީ އޭޖެންޓް ބޭންކިންގ ޚިދުމަތްދެމުންނެވެ.
ބީއެމްއެލްއިން ދަނީ މުޅި ރާއްޖެއަށް ބޭންކިން ޚިދުމަތް ފުޅާކުރުގެ މަސައްކަތް ކުރަމުންނެވެ.