އަންނަ އަހަރުގެ އޭޕްރީލް މަހު ރިލީޒްކުރަން ތާވަލުކޮށްފައިވާ ކަންގަނާ ރަނައުޓް ލީޑްރޯލުން ފެނިގެންދާ ފިލްމު "ދާކަޅް" ރިލީޒްކުރުން އަނެއްކާވެސް ފަސްވެއްޖެއެވެ. މި ފިލްމު މިހާރު ރިލީޒްކުރަން ތާވަލުކޮށްފައިވަނީ އަންނަ އަހަރު މެއި މަހަށެވެ.
"ދާކަޅް" އަކީ ރަޒްނީޒް ގާއީ ޑައިރެކްޓްކުރާ ފިލްމެކެވެ. ފިލްމުގެ ޕޯސްޓަރަކާއި ޓީޒާއެއް ވެސް މީގެކުރިން ވަނީ ދައްކާލައިފަ އެވެ.
މި ފިލްމަކީ އަކީ ކަންގަނާގެ ވަރަށް ތަފާތު ރޯލެއް ފެނިގެންދާނެ ފިލްމެއް ކަމަށް ޕްރޮޑަކްޝް ޓީމުން ބުނެއެވެ. ކަންގަނާގެ އިތުރުން އަރުޖުން ރާމްޕާލް، ދިވްޔާ ދައްތާ އަދި މިތުން ޗަކްރަބަތީގެ ދަރިފުޅު މަހާކްޝޭ ޗަކްރަބަތީ ވެސް މި ފިލްމުގައި ފެންނާނެއެވެ.
ސޮހެލް މަކްލާއީ ޕްރޮޑިއުސް ކުރާ ފިލްމުގެ މަންޒަރުތައް ނަގާފައިވަނީ އިންޑިއާ އިތުރުން ހަންގޭރީގައެވެ.
އިންޑިއާގެ ފިލްމީ ޚަބަރުތައް ގެނެސްދޭ ނޫސްތަކުން ބުނި ގޮތުގައި މިހާތަނަށް ބޮލީވުޑްގެ ބަތަލާއެއްގެ އެންމެ ވަރުގަދަ އެކްޝަންތަކެއް ފެންނާނެ ފިލްމުގެ ބަޖެޓަކީ ގާތްގަނޑަކަށް 80 ކްރޯޑް ރުޕީސް އެވެ.