އައްޑޫ އެކުއެޓޯރިއަލް ހޮސްޕިޓަލް ސަރަހައްދު / ފޮޓޯ: ޕީއެސްއެމް
އައްޑޫ ކޯވިޑް މެނޭޖްމަންޓް ފެސިލިޓީފގައި ފަރުވާދެމުންދިޔަ ދިވެއްސަކު ނިޔާވެއްޖެއެވެ.
ހެލްތް ޕްރޮޓެކްޝަން އެޖެންސީ، (އެޗްޕީއޭ)އިން ވިދާޅުވެފައިވަނީ ނިޔަވެފައިވަނީ އުމުރުން 81 އަހަރުގެ ދިވެހި އަންހެނެއް ކަމަށެވެ. އޭނާ ނިޔާވީ ރޭ ދަންވަރު 1:33 ހާއިރުގައި އައްޑޫ ކޯވިޑް މެނޭޖްމަންޓް ފެސިލިޓީފފަރުވާދެމުން ދަނިކޮށެވެ.
މިމަރާއެކު މިހާތަނަށް ރާއްޖެއިން 247 މީހަކު ވަނީ ބަލީގައި ނިޔާވެފައެވެ.
ކޯވިޑް-19ގައި މިދިޔަމަހު 12 މީހަކު ވަނީ ނިޔާވެފައެވެ. ކޯވިޑްގެ ހާލަތު ގޯސްވެގެން މިހާތަނަށް ރާއްޖޭގައި އެންމެ ގިނަ މީހުން މި ބަލީގައި ނިޔާވެފައިވަނީ މެއި މަހުގައެވެ. މެއި މަހުގައި 88 މީހަކު ވަނީ ބަލީގައި ނިޔާވެފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ