ބިގް ބޮސް 14ގެ ރަނަރއަޕް އަދި މަޝްހޫރު ލަވަ ކިޔުންތެރިޔާ ރާހުލް ވެއިދްޔާ އާއި ޓީވީ ތަރި ދިޝާ ޕަރްމަރް ކައިވެނި ކުރަން ތައްޔާރުވެއްޖެއެވެ. ރާހުލް އާއި "ޕިޔާރުކާ ދަރްދުހޭ މީޓާ މީޓާ" ގެ ތަރި ދިޝާ ރައްޓެހިވެގެން އުޅޭތާ ދުވަސްދަނޑެއް ވެއްޖެއެވެ. ބިގް 14ގެ ގޭގާއި ރާހުލް ވަނީ ކައިވެނި ކުރަން ދިޝާއަށް ޕްރޮޕޯސްވެސް ކޮށްފައެވެ.
މިމަހުގެ 16 ވަނަ ދުވަހު ކައިވެނި ކުރަން ހަމަޖެހިފައިވާ ވާހަކަ ރާހުލް ވަނީ އޭނާގެ އިންސްޓަގްރާމްގައި ހާމަކޮށްފައެވެ. ހޭޝްޓެގް ދިޝްހުލްވެޑިން ޖަހާފައި ކައިވެނީގެ ދަޢުވަތު ކާޑުވެސް ރާހުލް ވަނީ އިންސްޓްގްރާމަށް ދޫކޮށްލާފައެވެ.
ކައިވެންޏާއި ބޭހޭގޮތުން ރާހުލް ބުނީ ދެ ފަރާތުގެ އާއިލާއާއި ބައެއް ގާތް ރައްޓެހިންނާއެކު ކައިވެނީގެ ޙަފްލާ ބާއްވަން ހަމަޖެހިފައިވާކަމަށެވެ. ދިޝާވެސް ބޭނުންވަނީ ވަރަށް އާދައިގެ ޙަފްލާއެއްކަމަށް އޭނާ ބުނެއެވެ. އަދި ދެމީހުންވެސް މިހާރު އުޅެނީ ކައިވެންޏަށް ތައްޔާރުވުމުގައި ބިޒީ ވެގެންނެވެ.
ރާހުލް އާއި ދިޝާ ދިމާވީ މިޔުޒިކް ވީޑިއޯއެއްގެ ޝޫޓިންގެ ތެރެއިންނެވެ. އޭގެފަހުން ރަޙްމަތްތެރިކަން އުފެދި މިދިޔަ އަހަރު ނޮވެމްބަރުމަހު ރާހުލް ވަނީ ދިޝާއަށް ޕްރޮޕޯސްކޮށްފައެވެ. ލަވަކިޔުންތެރިޔާ އަދި މިޔުޒިކް ކޮމްޕޯސަރ ރާހުލް ވަނީ އިންޑިއަން އައިޑޮލްގެ ފުރަތަމަ ސީޒަންގައި ބައިވެރިވެ ދެވަނަ ހޯދާފައެވެ.
ޓީވީ ތަރި އަދި މޮޑެލް ދިޝާ ވަނީ "ޕިޔާރުކާ ދަރްދުހޭ މީޓާ މީޓާ" އަދި "ވޯ އަޕްނާ ސާ" ފަދަ ސީރީޒްތަކުން ފެނިފައެވެ.
ރާހުލް އާއި ދިޝާ ދިމާވީ މިޔުޒިކް ވީޑިއޯއެއްގެ ޝޫޓިންގެ ތެރެއިންނެވެ. އޭގެފަހުން ރަޙްމަތްތެރިކަން އުފެދި މިދިޔަ އަހަރު ނޮވެމްބަރުމަހު ރާހުލް ވަނީ ދިޝާއަށް ޕްރޮޕޯސްކޮށްފައެވެ. ލަވަކިޔުންތެރިޔާ އަދި މިޔުޒިކް ކޮމްޕޯސަރ ރާހުލް ވަނީ އިންޑިއަން އައިޑޮލްގެ ފުރަތަމަ ސީޒަންގައި ބައިވެރިވެ ދެވަނަ ހޯދާފައެވެ.
ޓީވީ ތަރި އަދި މޮޑެލް ދިޝާ ވަނީ "ޕިޔާރުކާ ދަރްދުހޭ މީޓާ މީޓާ" އަދި "ވޯ އަޕްނާ ސާ" ފަދަ ސީރީޒްތަކުން ފެނިފައެވެ.