ދުނިޔޭގެ ޕޮޕްސްޓާރ އަދި ގްރެމީ އެވޯޑަށް ނޮމިނޭޓްވެފައިވާ ގްރޫޕް ބީޓީއެސްއާއި އެމެރިކާގެ ފާސްޓްފުޑް ކުންފުނި މެކްޑޮނާލްޑްސް މިއަހަރު އޭޕްރީލް މަހު ވަނީ "ބީޓީއެސް މީލް" ކެމްޕޭނެއް ފަށާފައިވާ ކަމަށް އިޢުލާނުކޮށްފައެވެ. މި މީލް ދުނިޔޭގެ އެކި ކަންކޮޅުތަކުން 50 ޤައުމަކުން ލިބެން ހުންނާނެއެވެ. އަވަށްޓެރި އިންޑިއާއިންވެސް މި މީލް ލިބޭނެކަމުގައި މެކްޑޮނާލްޑްސްއިން ބުނެއެވެ.
ކޮރެއާގައި ހުންނަ މެކްޑޮނާލްޑްސް ރެސްޓޯރެންޓުން ބުނީ މިދިޔަ މެއި މަހުގެ 27 ވަނަ ދުވަހު މި މީލް ތަޢާރަފް ކުރުމާއެކު 1.2 މިލިއަން ބީޓީއެސް މީލް ވަނީ ހަމައެކަނި ކޮރެއާގައިވެސް ވިކިފައެވެ. ކޮރެއާގައި ބީޓީއެސް މީލް ތަޢާރަފް ކުރުމާއިއެކު ހަތަރު ހަފްތާ ތެރޭގައި ޗިކަން ނަގެޓްސް އިން 250 އިންސައްތަ ވަނީ އިތުރުވެފައެވެ.
މި މީލްގައި ހިމެނެނީ 10 ޗިކަން ނަގެޓްސް، މީޑިއަމް ވޯރލްޑް ފޭމަސް ފްރައިސް، މީޑިއަމް ކޮކާ ކޯލާ، ސްވީޓް ޗިލީ އަދި ކާޖުން ޑިޕިން ސޯސް އެވެ. މިއީ ދެކުނު ކޮރެއާގެ ރެސިޕީތަކުން ނަގާފައިވާ ތަފާތު ރެސިޕީއެއްކަމަށްވެސް ޚަބަރުތައް ބުނެއެވެ.
ބޭންގްޓަން ބޯއިސް ގެ ނަން ދެވިފައިވާ ބީޓީއެސް ގްރޫޕަކީ 7 މެމްބަރުންގެ މައްޗަށް އެކުލެވޭ ދެކުނު ކޮރެއާގެ މިޔުޒިކް ބޭންޑެކެވެ. 2010 ވަނަ އަހަރު އުފެއްދި މި ބޭންޑުން ލަވަ ކިޔަން ފަށާފައިވަނީ 2013 ވަނަ އަހަރުއެވެ