މިއަހަރަށް ރައްޔިތުން މަޖިލިސް ހުޅުވުމާއި ރިޔާސީ ބަޔާން އިއްވެވި ޖަލްސާގެ ތެރެއިން، ރައީސުލްޖުމްހޫރިއްޔާ އަނބިކަނބަލުން ފަޒްނާ .- ފޮޓޯ: ރައީސް އޮފީސް
ރައީސުލްޖުމްހޫރިއްޔާގެ އަނބިކަނބަލުން، ފަޒްނާ އަޙްމަދު ކޯވިޑުން ރަނގަޅުވެއްޖެއެވެ.
ރައީސުލްޖުމްހޫރިއްޔާގެ އަނބިކަނބަލުން ކޯވިޑް-19އިން ރަނގަޅުވެފައިވާކަން ހާމަކުރެއްވީ ސޯޝަލް މީޑިއާގައި އާއްމު ކުރެއްވި ޕޯސްޓެއްގައެވެ. އެ ޕޯސްޓުގައި އެކަމަނާ ވަނީ ބަލިން ފަސޭހަވިކަން ހާމަކުރައްވައި، ހެޔޮ ދުޢާ ކޮށްދެއްވި ހުރިހާ ފަރާތްތަކަށް ޝުކުރު އަދާކުރައްވާފައެވެ.
ރައީސުލްޖުމްހޫރިއްޔާގެ އަނބިކަނބަލުން ކޯވިޑް-19އަށް ޕޮޒިޓިވްވެފައިވަނީ މިމަހުގެ 15 ވަނަ ދުވަހުއެވެ. އެކަމަނާ ޕޮޒިޓިވްވިޔަސް، ރައިސުލްޖުމްހޫރިއްޔާ އިބްރާހިމް މުޙައްމަދު ޞާލިޙާއި އެ ދެކަނބަލުންގެ ބޭފުޅުން ހެއްދެވި ޓެސްޓުތަކުގެ ނަތީޖާ ވަނީ ކޯވިޑަށް ނެގެޓިވްވެފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ