ޑައިވިނަށް ގޮސް އުޅުނު ޒުވާނެއްގެ ހާލު ސީރިއަސްވެ އިތުރު ފަރުވާއަށް މާލެ ގެނެސްފިއެވެ.
ފުލުހުން ވިދާޅުވީ ހާލު ސީރިއަސްވީ، ފ. ނިލަންދޫ ކައިރިއަށް ޑައިވިނަށް ގޮސް އުޅުނު 21 އަހަރުގެ ދިވެހި ފިރިހެނެއްގެ ކަމަށެވެ.
މިކަމުގެ ރިޕޯޓު ފުލުހުންނަށް ލިބުނީ މިއަދު 15:11 އެހާއިރުކަމަށާއި، އެމައުލޫމާތު ލިބުމާއެކު ޕޮލިސް ލޯންޗެއްގައި އޭނާ ނިލަންދޫއަށް ގެންދިޔަކަމަށެވެ. އަދި އޭގެ ފަހުން އިތުރު ފަރުވާދިނުމަށް މިހާރު އޭނާ މާލެ ގެނެސްފައިވާކަމަށްވެސް ފުލުހުން ވިދާޅުވިއެވެ.
މައުލޫމާތު ލިބިފައިވާ ގޮތުގައި މިހާދިސާގައި ހާލު ސީރިއަސްވެގެން އިތުރު ފަރުވާއަށް މާލެ ގެނެސްފައިވަނީ ފ. ނިލަންދޫ ދޮންފަތްބަގީޗާގެ ޝިފާޒް މުޙައްމަދެވެ.
މިހާދިސާ ހިނގީ ފުޅިނާޅައި ޝިފާޒް މޫދުއަޑީގައި އޮއްވާ ހޭނެތުމާއި ގުޅިގެންކަމަށް ނިލަންދޫން މައުލޫމާތުދިން މީހަކު ބުންޏެވެ. އަދި މިހާދިސާގައި ޝިފާޒް މޫދުއަޑިން ނެގި ޒުވާނާވެސް ހޭނެތުނުވެ. ނަމަވެސް އޭނާގެ ހާލު މިހާރު ރަނގަޅުކަމަށް މައުލޫމާތުލިބެއެވެ.