ޚަބަރު
ޤައުމީ ދުވަސް ފާހަގަކުރުމަށް ބޮޑުތަކުރުފާނުގެ ހަނދާނީ މަރުކަޒުގައި ދިދަ ނެގުމުގެ ރަސްމިއްޔާތެއް ބާއްވައިފި
އުތީމުގައި ބޭއްވި ދިދަ ނެގުމުގެ ރަސްމިއްޔާތުގެ ތެރެއިން / ފޮޓޯ: ޕީއެސްއެމް ނިއުސް
މިއަހަރުގެ ޤައުމީ ދުވަސް ފާހަގަކުރުމުގެ ގޮތުން ހއ.އުތީމުގައި ދިދަ ނެގުމުގެ ޙާއްސަ ރަސްމިއްޔާތެއް ބާއްވައިފިއެވެ.
އުތީމުގައި ހުންނަ ބޮޑުތަކުރުފާނުގެ ހަނދާނީ މަރުކަޒުގައި ބޭއްވި މިރަސްމިއްޔާތުގައި ސަރުކާރުގެ އެކި އިދާރާތަކުގެ ބޭފުޅުންވެސް ބައިވެރިވެވަޑައިގަތެވެ.
އުތީމުގައި ބޭއްވި ދިދަ ނެގުމުގެ ރަސްމިއްޔާތުގެ ތެރެއިން / ފޮޓޯ: ޕީއެސްއެމް ނިއުސް
ޤައުމީ ދުވަސް ފާހަގަކުރުމުގެ ގޮތުން ހއ.އުތީމުގައި އެކިއެކި ޕްރޮގްރާމްތައް ކުރިއަށް ގެންދިއުމަށް އުތީމު ކައުންސިލް އިން ވަނީ ނިންމާފައެވެ. އެގޮތުން ކުޑަކުދިންގެ ހަވީރަކާއި ސިފައިންގެ ޑްރިލްގެ ހަރަކާތްތައް މިއަދު ހަވީރު އެ ރަށު ބަނދަރު ސަރަހައްދުގައި ކުރިއަށް ގެންދެވުމަށް ވަނީ ހަމަޖެހިފައެވެ.
މީގެ އިތުރުން ޤައުމީ ދުވަހުގެ ރަސްމީ ޖަލްސާ މާދަމާ އުތީމުގައި ބޭއްވުމަށް ވަނީ ހަމަޖެހިފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ