ޚަބަރު
ގއ. ވިލިނގިލީ ތައުލީމީ މަރުކަޒުގައި ރޯވެ، ބޮޑެތި ގެއްލުންތަކެއް!
-
ސްކޫލްގެ އެއް ބްލޮކް ވަނީ އަނދާފައި
ގއ. ވިލިނގިލީގައި ހުންނަ އެ އަތޮޅު ތައުލީމީ މަރުކަޒުގައި އަލިފާނުގެ ހާދިސާއެއް ހިނގައި، ވަރަށް ބޮޑެތި ގެއްލުންތަކެއް ލިބިއްޖެއެވެ.
މިރޭ 12:30 ހާއިރު ހިނގި މި އަލިފާނުގެ ހާދިސާ ހިނގަން މެދުވެރިވީ ރޯވީ ސްޓާފްރޫމުގައި ހުރި އޭސީއެއްގައި ރޯވެގެންކަމަށް މައުލޫމާތު ލިބިފައިވެއެވެ. މި ހާދިސާގައި އެއްވެސް މީހަކަށް ގެއްލުމެއް ލިބިފައިވާކަމުގެ މައުލޫމާތެއް ލިބިފައެއް ނުވެއެވެ.
ސްކޫލްގައި ރޯވި އަލިފާން ކޮންޓްރޯލްވީ މިރޭ 2:00 ޖަހަން އުޅެނިކޮށެވެ.
މައުލޫމާތު ލިބިފައިވާ ގޮތުގައި އަލިފާން ކޮންޓްރޯލްކުރީ ކަމާބެހޭ ފަރާތްތަކާއި ރައްޔިތުން ގުޅިގެން ކުރި މަސައްކަތުނެވެ.
މިހާދިސާގައި ސްކޫލްގެ އެއް ބްލޮކް އެއްކޮށް ވަނީ ބޭނުން ނުކުރެވޭ ވަރަށް އަނދާފައެވެ.