ރާއްޖެއާއެކު އިޤްތިޞާދީ ގުޅުންތައް ބަދަހިކުރުމަށް ސަޢޫދީގެ އިސްވެރިންނާއެކު މަޝްވަރާތަކެއް

ރާއްޖެއާއި ސަޢޫދީ އަރަބިއްޔާއާ ދެމެދު އޮންނަ އިޤްތިޞާދީ ގުޅުންތައް އިތުރަށް ބަދަހިކުރުމާއި ގުޅޭ މަޝްވަރާތަކެއް ބާއްވައިފިއެވެ.

މި މަޝްވަރާތައް ބާއްވާފައިވަނީ ޚާރިޖީ ވަޒީރު މޫސާ ޒަމީރު ސަޢޫދީ އަރަބިއްޔާއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިންނެވެ.

ޚާރިޖީ ވަޒީރު މޫސާ ޒަމީރު ސަޢޫދީ އަރަބިއްޔާއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން ވަނީ ޤައުމުގެ އިންވެސްޓްމަންޓް މިނިސްޓްރީގެ އެސިސްޓެންޓް މިނިސްޓަރާއި ޑެޕިއުޓީ މިނިސްޓަރ އޮފް ފިނޭންސް ފޯ އިންޓަރނޭޝަނަލް ރިލޭޝަންސް އާއި އެ ޤައުމުގެ ސެންޓަރަލް ބޭންކުގެ ގަވަރުނަރާއި ބައްދަލުކުރައްވައި، މުހިއްމު މަޝްވަރާތަކެއް ބާއްވަވާފައެވެ.

ޚާރިޖީ ވުޒާރާއިން ވިދާޅުވީ ސައުދީގެ އިންވެސްޓްމަންޓް މިނިސްޓްރީގެ އެސިސްޓެންޓް މިނިސްޓަރ އިބްރާހިމް ބިން ޔޫސެފް އަލްމުބާރަކްއާއެކު ބޭއްވި ބައްދަލުކުރެއްވުމުގައި ރާއްޖޭގައި ހުރި އިންވެސްޓްމަންޓް ފުރުސަތުތަކާ ގުޅޭގޮތުން މަޝްވަރާކުރެއްވިކަމަށެވެ. މި ބައްދަލުވުމުގައި ވަޒީރު ޒަމީރު ވަނީ ރާއްޖޭގެ އިޖްތިމާއީ އަދި އިގްތިސާދީ ތަރައްގީގައި ސައޫދީން ދެމުން އަންނަ އެއްބާރުލުން ފާހަގަކުރައްވައި. އެކަމަށް ޝުކުރު އަދާކުރައްވާފައެވެ.

Minister @MoosaZameer met the Assistant Minister of @MISA, H.E. Engineer Ibrahim Bin Yousef Almubarak.

Discussed investment opportunities in the Maldives. Minister Zameer expressed his gratitude for the support provided by 🇸🇦 in the socio-economic development of 🇲🇻 pic.twitter.com/DKlUClQO40

— Ministry of Foreign Affairs 🇲🇻 (@MoFAmv) August 20, 2024

ސައުދީގެ ޑެޕިއުޓީ މިނިސްޓަރ އޮފް ފިނޭންސް ފޯ އިންޓަރނޭޝަނަލް ރިލޭޝަންސް ޚާލިދު ބަވާޒިއަރއާއެކު ޚާރިޖީ ވަޒީރު ބޭއްވެވި ބައްދަލުކުރެއްވުމުގައި ދެ ޤައުމުގެ ދެމެދުގައި ވިޔަފާރިއާއި ފަތުރުވެރިކަން އިތުރަށް ފުޅާކުރެވޭނެ ގޮތްތަކާ ގުޅޭގޮތުން މަޝްވަރާކުރެއްވިއެވެ. އަދި ދެ ޤައުމުގެ ދެމެދުގައި އިންވެސްޓްމަންޓުތައް ފުޅާކުރުމާ ގުޅޭގޮތުންވެސް މި ބައްދަލުކުރެއްވުމުގައި ވަނީ މަޝްވަރާކުރައްވާފައެވެ.

Minister @MoosaZameer met with the Deputy Minister of Finance for International Relations, Khalid Bawazier.

Both discussed on ways to enhance trade and tourism cooperation, as well as the expansion of investments between the two countries.@MOFKSA pic.twitter.com/2RWx1hnaxU

— Ministry of Foreign Affairs 🇲🇻 (@MoFAmv) August 20, 2024

ސައުދީގެ ސެންޓްރަލް ބޭންކުގެ ގަވަރުނަރު އައިމަން އަލް ސަޔާރީއާއެކު ޚާރިޖީ ވަޒީރު ބޭއްވެވި ބައްދަލުކުރެއްވުމުގައި ރާއްޖޭގެ އިގްތިސާދީ ހާލަތާއި ފަތުރުވެރިކަމުގެ ދާއިރާ އަދި ރާއްޖޭގައި ހުރި އިންވެސްޓްމަންޓުގެ ފުރުސަތުތަކާ ގުޅޭ މައުލޫމާތު ހިއްސާކުރެއްވިއެވެ. އަދި ވިޔަފާރީގެ ފުރުސަތުތައް އިތުރަށް ފުޅާކުރުމާ ގުޅޭގޮތުންވެސް މި ބައްދަލުވުމުގައި މަޝްވަރާކުރެއްވިކަމަށް ޚާރިޖީ ވުޒާރާއިން ވިދާޅުވެއެވެ.

Minister @MoosaZameer met the Governor of the Central Bank of Saudi Arabia, H. E. Ayman Al-Sayari.

Minister briefed the Governor on Maldives economic situation, tourism sector growth, and potential investment opportunities. @SAMA_GOV pic.twitter.com/9irmoH1ssk

— Ministry of Foreign Affairs 🇲🇻 (@MoFAmv) August 20, 2024

ޚާރިޖީ ވަޒީރު ސައޫދީ އަރަބިއްޔާއަށް ކުރައްވަމުން ގެންދަވާ ދަތުރުފުޅަކީ ސައޫދީގެ ޚާރިޖީ ވަޒީރުގެ ދައުވަތަކަށް ކުރައްވާ ދަތުރުފުޅެކެވެ. މި ދަތުރުފުޅުގެ ތެރެއިން ވަޒީރު ވަނީ ސައުދީގެ ރިޔާޛުގައި ދިރިއުޅޭ ދިވެހިންނާވެސް ބައްދަލުކުރައްވާފައެވެ. މި ބައްދަލުކުރެއްވުމުގައި، ރާއްޖެއިން ބޭރުން ތައުލީމް ހާސިލުކުރުމާއި އެހެނިހެން މަސައްކަތްތަކުގައި ކުރިއަށްދިއުމަށް ވިހާވެސް ގިނަ ދިވެހީންނަށް ފުރުސަތުތައް ހޯދައިދިނުމުގައި ސަރުކާރު ދެމިއޮންނާނެކަމަށް ވަޒީރު ވިދާޅުވިއެވެ.