ދެކުނު ކޮރެއާގެ ލިބަރޭޝަން ޑޭގެ ތަހުނިޔާ ރައީސުލްޖުމްހޫރިއްޔާ ފޮނުއްވައިފި
-
އައު އުއްމީދާއި އިތުރު ކުރިއެރުން ލިބޭނެ ކަމަށް އުއްމީދުކުރައްވާ ކަމަށް ވިދާޅުވި
-
ރާއްޖެއާ ކޮރެއާ އާއި ދެމެދު ސިޔާސީ ގުޅުން ގާއިމުކުރީ 1967 ވަނަ އަހަރު
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ދެކުނު ކޮރެއާގެ ލިބަރޭޝަންޑޭގެ ތަހުނިޔާއާއި ހެޔޮއެދުންތައް އެޤައުމުގެ ރައީސް ޔޫން ސުކް ޔޯލްއަށާއި، ބޮޑުވަޒީރު ހާން ޑަކް-ސޯއަށް ފޮނުއްވައިފިއެވެ.
ދެކުނު ކޮރެއާގެ ރައީސާއި ބޮޑުވަޒީރަށް ވަކިވަކިން ރައީސުލްޖުމްހޫރިއްޔާ ފޮނުއްވި ތަހުނިޔާގެ މެސެޖުގައި މިއަދު ފާހަގަކުރަމުންދާ ލިބަރޭޝަން ޑޭއަކީ އައު އުއްމީދަކާއި އިތުރު ކުރިއެރުމެއް ލިބިގެންދާނެ ދުވަހެއް ކަމަށް އުއްމީދު ކުރައްވާ ކަމަށް ވިދާޅުވިއެވެ.
މީގެ އިތުރުން ދެކުނު ކޮރެއާގެ ރައީސާއި ބޮޑުވަޒީރަށް ދުޅަހެޔޮ ޞިއްޙަތަކަށް އެދިވަޑައިގެން، ކޮރެއާގެ ރައްޔިތުންނަށް ކުރިއެރުމާއި ފާގަތިކަން ލިބިގެންދިއުމަށް އެދިވަޑައިގަންނަވާ ކަމަށް ވިދާޅުވިއެވެ.
ދިވެހިރާއްޖެއާއި ކޮރެއާއާ ދެމެދު ސިޔާސީ ގުޅުން ގާއިމުކުރީ 1967 ވަނަ އަހަރުގެ ނޮވެންބަރު މަހުގެ 30 ވަނަ ދުވަހުއެވެ.