މީގެ 8 އަހަރު ކުރިން ގެއްލިފައިވާ އެމެރިކާގެ އެފް.ބީ.އައި އެޖެންޓެއް ކަމަށްވާ ރޮބަޓް ލެވިންސަން އީރާނުގައި މިހާރު އުޅެފާނެކަމަށް ގަބޫލު ނުކުރެވޭކަމަށް ވައިޓް ހައުސްއިން ބުނެފިއެވެ.ވައިޓް ހައުސްގެ ތަރުޖަމާން ޖޯޝް އާނެސްޓް ވިދާޅުވީ، ލެވިންސަންއާ ބެހޭ މައުލޫމާތު ހޯދުމަށް އެމެރިކާގެ ރައީސް ބަރަކް އޮބާމާއާއި އެމެރިކާ ސަރުކާރުގެ އިސް މަސްޢޫލުވެރިން އީރާނުގެ މަސްޢޫލުވެރިންނަށް ވަރަށް ބޮޑަށް ފިއްތުންތައް ކުރިމަތި ކުރައްވާފައިވާ ކަމަށާއި، ނަމަވެސް މި ފިއްތުންތަކުން ނަތީޖާއެއް ހާސިލްވެފައިނުވާ ކަމަށެވެ.އާނެސްޓް ވިދާޅުވީ، ލެވިންސަން އީރާނުގައި މިހާރު އުޅެފާނެކަމަށް ވައިޓް ހައުސްއިން ގަބޫލު ނުކުރާކަމަށެވެ. ނަމަވެސް ލެވިންސަން އާބެހޭ މައުލޫމާތެއް ލިބޭތޯ އެމެރިކާ ސަރުކާރުން އީރާނާ މުޢާމަލާތު ކުރަމުން ގެންދާނެ ކަމަށް އާނެސްޓް ވިދާޅުވިއެވެ. އެމެރިކާގެ އެފް.ބީ.އައިގެ އެޖެންޓެއް ކަމަށްވާ ރޮބަޓް ލެވިންސަންއަށް ވީނުވީ ގޮތެއް ނޭނގި މީގެ 8 އަހަރު ކުރިން ގެއްލުނީ އޭނާ އީރާނުގައި އުޅެނިކޮށް ކަމަށް އެމެރިކާއިން ބުނެއެވެ.