މާފަންނު އެފްޑީއައި ކައިރީ ހުރި ފިހާރައެއްގައި އަލިފާނުގެ ހާދިސާއެއް ހިނގައިފިއެވެ.ރޭ 4:15 ހާއިރު ރޯވި އަލިފާންގަނޑު ނިއްވުމުގެ މަސައްކަތް ކުރުމުގައި ސިފައިން ދަނީ ހަރަކާތްތެރިވަމުންނެވެ. ފުލުހުން ދަނީ މި ސަރަހައްދުގައި ދިރިއުޅޭ އާއްމުން ރައްކާތެރި ހިސާބުތަކަށް ބަދަލްކުރަމުންނެވެ. މިސަރަހައްދުގައި ހުރި އެއް ފިހާރައިގައި ރޯވި އަލިފާންގަނޑު ޖެހިގެން ހުރި އިމާރާތަށް ފެތުރިފައިވާ ކަމަށް މަންޒަރު ދުށް ފަރާތްތަކުން ބުނެއެވެ.ފުލުހުން ދަނީ މިސަރަހައްދުގައި ހުރި އިތުރު ފިހާރަތަކުން ބައެއް ސާމާނުވެސް މަގުމައްޗަށް ނެރެ ދުރަށް ޖައްސަމުންނެވެ.މިހާދިސާ ހިނގާފައިވަނީ ފާމުދޭރި މަގުގައި ހުރި ފަރިވާ އިލެކްޓްރޯނިކްސް ފިހާރައިގައި ކަމަށް ފުލުހުން މަޢުލޫމާތުދެއެވެ. ފަރިވާ ފިހާރައިގެ ދެކުނަށް ހުރި އިމާރާތުގައިވެސް އަލިފާން ރޯވި ކަމަށް ފުލުހުން މަޢުލޫމާތުދެއެވެ. އަދި ރޯވި އަލިފާންގަނޑު މިހާރު ކޮންޓްރޯލް ކުރެވިފައިވާ ކަމަށާއި އަލިފާންގަނޑު ނިއްވުމުގެ މަސައްކަތް ސިފައިން މިހާރު ކުރަމުންދާ ކަމަށްވެސް ފުލުހުން ބުނެއެވެ. އިތުރު ތަފްސީލް އަންނަނީ..