ދެކުނު ކޮރެޔާގެ ޑްރާމާ "ސްނޯޑްރޮޕް" ގެ ބަޠަލާ ކިމް މި ސު މަރުވެއްޖެ އެވެ. ކޮރެޔާ ޑްރާމާތަކުން ގިނަ ބައެއްގެ މަޤްބޫލުކަން ހޯދާފައިވާ ކިމްގެ ކުއްލި މަރުން ކިމްގެ އެޖެންސީ ލޭންޑްސްކޭޕް އެންޓަޓެއިންމަންޓާއި ފޭނުން އަންނަނީ ހިތާމަ ފާޅުކުރަމުންނެވެ.
ކިމްގެ އާއިލާއިން ބުނީ ކިމްގެ ޖަނާޒާގެ ކަންކަން ގެންދާނީ އަމިއްލަ ޚަރަދުގައި ކަމަށެވެ. އަދި ޖަނާޒާ ބާއްވާނީ ވަރަށް ސިއްރުން ކަމަށްވެސް އާއިލާއިން ބުނެއެވެ.
މިހާރު ދައްކަމުންދާ ޑްރާމާ "ސްނޯޑްރޮޕް" ގައި ކިމް ކުޅެނީ ސްޓޫޑެންޓް އެކްޓުވިސްޓެއްގެ ރޯލެވެ. އަދި އެއީ ޑްރާމާގެ ލީޑު ރޯލުގެ އެންމެ ގާތް އެކުވެރިޔާގެ ރޯލުވެސްމެއެވެ. މި ޑްރާމާގެ ލީޑު ރޯލު ކުޅެފައިވަނީ ބްލެކް ޕިންކުގެ ލަވަކިޔުންތެރިޔާ ޖިސޫއާއި ޖަންގް ހައެ އިންއެވެ.
ކިމް މި ސު ކުޅެފައިވާ ބައެއް ޑްރާމާތަކުގެ ތެރޭގައި "ހައި ބައި މަނާ" ، "ދި ސުކޫލް ނާރސް ފައިލް" ، އަދި "ޔަމީސް ސެލް" ފަދަ ޑްރާމާތައް ހިމެނެއެވެ.