ބޮލީވުޑް ލެޖެންޑް ސުނިލް ޝެޓީގެ ދަރިފުޅު އަހާން ޝެޓީއަކީ މިހާރު ބޮލީވުޑްގައި އަރަމުން އަންނަ ތަރިއެކެވެ.
އަހާން ބޮލީވުޑަށް ތަޢާރަފް ވެފައިވަނީ ފިލްމު "ތަޅަޕް" އިންނެވެ.
ސާޖިދު ނަދިއާދްވާލާ ޕްރޮޑިއުސްކޮށްފައި މި ފިލްމަށްފަހު އަނެއްކާވެސް އަހާން ދެން އެންމެ އަވަހަށް ފެންނާނީވެސް ސާޖިދުގެ ފިލްމަކުން މިވަނީ ބެލެވެން ފަށާފައެވެ. ސާޖިދު ބޭނުންވަނީ އަހާން އެކްޝަން ރޮމޭންޓިކް ހީރޯއެއްގެ ގޮތުގައި މަސައްކަތްކުރުވާށެވެ.
"ތަޅަޕް" ޑައިރެކްޓްކޮށްފައިވަނީ "ދަ ޑާރޓީ ޕިކްޗާ" އާއި "ވަންސް އަޕޮން އަ ޓައިމް އިން މުމްބާއީ" ގެ ކާމިޔާބު ޑައިރެކްޓަރ މިލަން ލުތުރިއާ އެވެ. އޭނާ އެންމެ ފަހުން ބެލުންތެރިންނަށް ގެނެސް ދިނީ 2017 ގައި އަޖޭ ދޭވްގަން އާއި އިމްރާން ހާޝިމީ އާއި އިލިއާނާ ޑި ކްރޫޒް އަދި އީޝާ ގުޕްތާ ލީޑް ރޯލް ކުޅުނު "ބާދްޝާހޯ" އެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ