ބޮލީވުޑް ފިލްމަތަކަށް ލޯބިކުރާ ގިނ ބަޔަކު މީހާރު އިންތިޒާރުކުރަމުން އަންނަ އެއް ފިލްމަކީ ސުޕަރސްޓަރ އަމީތާބު ބައްޗަން އާއި އިމްރާން ޙާޝިމީގެ "ޗެހެރާ" އެވެ. މިކަން އެންމެ ބޮޑަށް އެގެނީ ފިލްމުގެ ޕޯސްޓަރުތަކާއި ޓީޒަރ އާއި ޓްރެއިލަރތަކަށް ލިބެމުން އަންނަ ބޮޑު ތަރުޙީބުގެ ސަބަބުންނެވެ.
މިއަހަރުގެ އޭޕްރީލް 9 ވަނަ ދުވަހު ރިލީޒްކުރަން ތައްޔާރުވަމުންދިޔަ މި ފިލްމު ކޯވިޑާއި ގުޅިގެން އޭޕްރީލް 30 ރިލީޒްކުރުން ފަސްކުރިއެވެ. އެހެންނަމަވެސް އެ ތާރީހުގައިވެސް ފިލްމު ސްކްރީނަށް ނައިސް ފަސްވަމުން ގޮސް އަނެއްކާވެސް މިވަނީ އައު ތާރީހެއް ދީފައެވެ. މިފަހަރުގެ ތާރީހަކީ މިމަހުގެ 27 ވަނަ ދުވަހެވެ.
ޕްރޮޑަކްޝަން ޓީމުން މިވަނީ އަނެއްކާވެސް ފިލްމުގެ ޑައިލޮގް ކޮޅެއް ހިމެނޭ ޓީޒަރކޮޅެއް އަނެއްކާވެސް ދޫކޮށްލާފައެވެ.
Keeping our promise, Chehre releasing on August 27th in theatres near you! pic.twitter.com/maGeWfSI0N
— Anand Pandit (@anandpandit63) August 12, 2021
ފިލްމުގައި އަމީތާބު މޮޅު ޤާނޫނީ ވަކީލެކެވެ. އިމްރާންނަކީ ބޮޑެތި އެތައް ވިޔަފާރިތައް ކުރާ މަލްޓި މިލިޔަނަރެކެވެ. އަދި މި ދެމީހުންގެ ކުރިމަތިލުމަކީ މި ފިލްމަށް ގިނަ ބަޔަކު އިންތިޒާރުކުރާ އެއް ސަބަބަުވެސްމެއެވެ.
ރޫމީ ޖެފްރީ ޑައިރެކްޓްކުރާ މިސްޓްރީ މި ތްރިލަރ އިން ދެން ފެނިގެންދާ ތަރިންގެ ތެރޭގައި އަންނޫ ކަޕޫރް، ކްރިސްޓަލް ޑީސޫޒާ، ދްރިތިމަން ޗައްތަރްޖީ، ރަގޫބިރް ހަދަވް އަދި ދިދާންތް ކަޕޫރް ހިމެނެއެވެ.
އަނަންދް ޕަންޑިތްގެ މޯޝަން ޕިކްޗާރސް އަދި ސަރަސްވަތީ އެންޓަރޓެއިންމެންޓް ޕްރައިވެޓް ލިމިޓެޑުން ޕްރޮޑިއުސްކުރާ މި ފިލްމަކީ އަމީތާބާއި އިމްރާން ހާޝްމީ އެއްކޮށް ފެނިގެންދާ ފުރަތަމަ ފެނިލުމެވެ.