އަންނަ އަހަރު ސަރުކާރުގެ ބަޖެޓުން ޚަރަދުކުރައްވައިގެން ވިހިރަށެއްގައި ފެން އަދި ވިހިރަށެއްގައި ނަރުދަމާގެ މަސައްކަތް ކުރައްވާނެކަމަށް އެންވަޔަރމަންޓް މިނިސްޓަރ ޠާރިޤް އިބްރާހީމް ވިދާޅުވެއްޖެއެވެ.ބަޖެޓް ކޮމެޓީގައި ވާހަކަ ދައްކަވަމުން މިނިސްޓަރ ވިދާޅުވީ، މިއީ މިހާތަނަށް ރާއްޖޭގައި ހިންގަވާ ފެނާއި ނަރުދަމާގެ އެންމެ ބިޔަ މަޝްރޫޢު ކަމަށެވެ. މިއަހަރުގެ ތެރޭގައި މިހާތަނަށް 13 ރަށެއްގައި ފެނައި ނަރުދަމާގެ މަސައްކަތް ފެށިގެން ކުރިއަށްދާކަމަށާއި، މިއަހަރު ކުރިއަށް އޮތް މަދު ދުވަސްކޮޅެއްގެ ތެރޭގައި އިތުރު ދެރަށެގައި ފެނާއި ނަރދަމާގެ މަސައްކަތް ކުރިއަށް ފަށްޓަވާނެކަމަށް މިނިސްޓަރ ވިދާޅުވިއެވެ.ފެނާއި ނަރުދާމާގެ މަޝްރޫޢަކީ މުހިންމު އަސާސީ ޚިދުމަތްތަކެއްކަން ފާހަގަކުރައްވައި މިނިސްޓަރ ވިދާޅުވީ، ނަރުދަމާއަށް ވުރެ ސާފުބޯފެން ނުލިބޭނަމަ ނުރައްކާތެރި ބަލިތައް ޖެހޭނެކަމަށެވެ. އެހެންކަމުން ކޮންމެ ރަށެއްވެސް އެއީ މުހިންމު ރަށެއްގެ ގޮތުގައި ދެކިވަޑައިގެން ފެނާއި ނަރުދަމާގެ ޚިދުމަތް ދެއްވުމަށް ސަރުކާރުން މަސައްކަތް ކުރައްވަމުން ގެންދަވާކަމަށް މިނިސްޓަރ ވިދާޅުވިއެވެ.