ކޯވިޑް 19 ގެ ބަލިމަޑުކަން ވަރަށް ބޮޑަށް ފެތުރިފައިވާތީ، އިންޑީއާގެ މަހާރަޝްތުރަ ސިޓީގައިވަނީ 15 ދުވަހުގެ ފުރަބަންދު އިޢުލާނުކޮށްފައެވެ. މި ވަގުތުވެސް މަޝްހޫރު އެކްޓްރެސް ކަރީނާ ކަޕޫރު ދަނީ ވަގުތުގެ ބޭނުން އެންމެ ފުރިހަމައަށް ހިފަމުންނެވެ. ހަށިގަނޑުގެ ދުޅަހެޔޮކަން އެންމެ ރަގަޅަށް ބެހެއްޓުމަޓަކައި ކޮންމެވެސް ކަހަލަ ކަސްރަތެއް ކުރުމަށް ބާރުއަޅައި އޭނާގެ ފޭނުންނަށްވެސް ބޮޑު ހިތްވަރެއް އަންނަނީ ދައްކަމުންނެވެ.
އާދީއްތަ ދުވަހު ކަރީނާ ވަނީ އިންސްޓަގްރާމްގައި ސްމާރޓް ގަޑިއެއްގެ ފޮޓޯ ޙިއްސާކޮށްފައެވެ. މި ގަޑިން ދައްކާގޮތުގައި އޭނާވަނީ 5605 ފިޔަވަޅު އަޅާފައެވެ. އަދި ފޮޓޯގެ ކެޕްޝަންގައި ބުނެފައިވަނީ 'ފުރަބަންދުގެ މާނައަކީ ނިންމާލުމެން ނޫން'. މިހެންނެވެ.
ކަރީނާގެ ފޭނުންވަނީ މިކަމާ އެއްބަސް ވެފައެވެ. ސައިފް އަލީޚާންގެ ދައްތަ ސަބާ އަލީ ޚާން ބުނެފައިވަނީ، ' ހިތްވަރެއް. މިހާރު އަހަރެންގެ ހަރަކާތްތައް ފަށަނީކަމަށެވެ. އަދި އަހަންނަށް ރަގަޅު ގޮތް ވާން އެދޭ. ރައްކާތެރިކަމާއެކު ވާކަމަށްވެސް ޢެނާ ބުނެފައިވެއެވެ.
ބޮލީވުޑްގެ އެންމެ ކާމިޔާބު އަންހެންތަރި ކަރީނާ އޭނާގެ ދެވަނަ ދަރިފުޅު ވިހެއީ މިދިޔަ ފެބްރުއަރީ މަހުގެ 21 ވަނަދުވަހުއެވެ. ވިހައިގެން ނުކުންނަތާ މާ ގިނަ ދުވަހެއް ނުވެ ކޮންމެ ކަރީނާ އޭނާގެ ހަށިގަނޑު ކުރިން ހުރި ގޮތަށް ބަދަލުކޮށްލާ ލޫޅާފަތިވެލައެވެ. ކަރީނާއަށް ދެވަނައަށްވެސް ލިބުނީ ފިރިހެން ކުއްޖެކެވެ. ކަރީނާ ސައިފްއާއި ކައިވެނިކޮށް ލިބުނު ފުރަތަމަ ދަރިފުޅު ތައިމޫރް އަލީ ޚާނަށް މިހާރު ވަނީ ހަތަރު އަހަރު ފުރިފައެވެ.
ކަރީނާ ދެވަނަ ދަރިފުޅަށް ބަނޑުބޮޑުވުމުން އޭނާ ވަނީ އަންހެނުންނަށް ހާއްސަކޮށް ވަކި ފޮތެއް ނެރެފައެވެ.