ލަލީގާ ކާމިޔާބުން ކުރުމުން ޗެމްޕިއަންސް ލީގު ކާމިޔާބުކުރުމުން ނުވާހާ އުފާވެއްޖެ ކަމަށް ރެއާލް މެޑްރިޑްގެ ކޯޗު ޒައިނުއްދީން ޒިދާން ބުނެފިއެވެ.
ޒިދާން ބުނީ ލީގު ޗެމްޕިއަންކަން ލިބުނީ ކުޅުންތެރިން ދެއްކި ހިތްވަރާއިއެކު ދެއްކި މޮޅު ކުޅުމުގެ ސަބަބުންކަމަށެވެ. އެގޮތުން ދިގު ދެމިގެންދާ ލީގެއްގައި އެއްފެންވަރެއްގައި ކުރެވޭ ބުރަ މަސައްކަތުންކަން ޒިދާން ވަނީ ފާހަގަކޮއްފައެވެ.
އޭނާ ބުނީ ރެއާލްއަށް އެންމެ މޮޅުޓީމުގައި ގޮތުގައި ލީގު ލިބުނީ އެންމެ ގިނަ ޕޮއިންޓު ލިބުނު ޓީމަށްވާތީކަމަށެވެ. އެހެންކަމުން އެ ހަޤީޤަތް އެންމެންވެސް ޤަބޫލް ކުރަންޖެހޭނެކަމަށް ޒިދާން ބުންޏެވެ.
ކުޅުންތެރިއެއްގެ ގޮތުގައި މެޑްރިޑާއެކު ލީގު ކާމިޔާބުކޮށްދިން މިހާރުގެ ކޯޗު ޒިދާން ބުނީ ލީގުގެ ތައްޓާއެކު އޭނާއަށް ޚާއްސަ އުފަލެއް ލިބިއްޖެކަމަށެވެ. އަދި މިއީ އޭނާގެ ކެރިއަރުގައި އެންމެ ކާމިޔާބު ދުވަސްތައް ކަމަށް ޒިދާން ފާހަގަކުރިއެވެ. ރެއާލްއާއެކު 2017 ލީގު ކާމިޔާބުކުރި ކޯޗު ބުނީ މިގޮތަށް ލީގު ހޯދައިދެވުމުން އެވާ އުފާ މާ ބޮޑުކަމަށެވެ. އޭނާ ބުނީ ލީގުގެ ތަށި ލިބުމުން ސަޕޯޓަރުން ތިބީ އުފަލުންކަމަށާއި މި ކާމިޔާބީ ޚާއްސަކުރާނީ ހުރިހާ ސަޕޯޓަރުންނަށް ކަމަށެވެ.