އަފްޣާނިސްތާނުގައި ކާރު ބޮމުގެ ހަމަލާއެއް ދިން ސަރަހައްދެއްގައި އެޤައުމުގެ ސިފައިން ހަރަކާތްތެރިވަނީ - (ފައިލް ފޮޓޯ: ޒިންހުއާ)
އައިއެސް ޖަމާއަތުގެ އަފްޣާން ގޮފީގެ ލީޑަރު ޙާފިޒް ސައްޔިދު މަރާލެވިއްޖެކަމަށް އަފްޣާން ޖާސޫސީ އިދާރާއިން ބުނެފިއެވެ.އެ އިދާރާއިން ބުނީ ޙާފިޒް ސައްޔިދަކީ އަފްޣާނިސްތާނުގައި ހަރަކާތްތެރިވާ އައިއެސްޖަމާއަތުގެ ގޮފި "ވިލާޔަތު ޚުރާސާން" ގެ ލީޑަރު ކަމަށާ އޭނާ މަރާލެވުނީ އަފްޣާނިސްތާނުގެ އިރުމަތީގެ ސްޓޭޓެއް ކަމަށްވާ ނަންގަހާރުގައި ހިންގި ވައިގެ އަސްކަރީ އޮޕަރޭޝަނެއްގައި ކަމަށެވެ. މި އޮޕަރޭޝަން ހިންގީ އެމެރިކާގެ ޑްރޯން މަތިންދާބޯޓްތަކަކުން ކަމަށް ރިޕޯޓްތައްބުނެއެވެ.ހާފިޒް ސައްޔިދުގެ މަރާއިބެހޭގޮތުން އެމެރިކާ އަދި ބަޔާނެއް ދީފައެއްނުވެއެވެ. ނަމަވެސް އެމެރިކާގެ މަސްއޫލުވެރިއަކު ވިދާޅުވީ މިކަމާބެހޭގޮތުން އެމެރިކާއިން ވަރަށް އަވަހަށް ބަޔާނެއް ނެރޭނެ ކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ