ދިވެހިރާއްޖޭގައި ހުރި އިންވެސްޓްމެންޓް ފުރުސަތުތަކާ ގުޅޭ މައުލޫމާތު އިންވެސްޓަރުންނާ ހިއްސާކުރުމަށް ޗައިނާގެ ކުންމިންގައި ޚާއްސަ މަހާސިންތާއެއް ބާއްވައިފިއެވެ."އިންވެސްޓް މޯލްޑިވްސް ސިންޕޯސިއަމް"ގެ ނަމުގައި މިއަދު ކުންމިންގ ގެ ގްރޭންޑް ޕާރކް ހޮޓެލްގައި ކުރިއަށްދިޔަ މި ސިންޕޯސިއަމްގައި ޗައިނާގެ ޔުއާން ޕްރޮވިންސްގެ 80 އަށްވުރެ ގިނަ އިންވެސްޓަރުން ބައިވެރިވި ކަމަށް އިކޮނޮމިކް މިނިސްޓްރީން މައުލޫމާތުދެއްވައެވެ.ޕީ.އެސް.އެމަށް މައުލޫމާތުދެއްވަމުން އިކޮނޮމިކް މިނިސްޓަރ މުހައްމަދު ސައީދު ވިދާޅުވީ މިބައްދަވުން ވަރަށް ކާމިޔާބުކަމަށާއި، މިބައްދަލުވުމުގައި ރާއްޖެއާއި ޗައިނާއާ ދެމެދު ވިޔަފާރިއާއި އިޤްތިސާދީ ދާއިރާއިން ގުޅުން ބަދަހިކުރުމާ ގުޅޭގޮތުން ކާމިޔާބު މަޝްވަރާތަކެއް ކުރެވުނުކަމަށެވެ.މިނިސްޓަރ ވިދާޅުވީ ޔުނާން ޕްރޮވިންސުގެ ވިޔަފާރިވެރިން ރާއްޖޭގައި ރިނިއުއަބަލް އެނާރޖީ ޕްރޮޖެކްޓްތައް ހިންގުމަށް ޝައުޤުވެރިކަން ފާޅުކޮށްފައިވާކަމަށެވެ. މިމަހުގެ 12 އިން 16 އަށް ޗައިނާގައި ބޭއްވުމަށް ހަމަޖެހިފައިވާ 3 ވަނަ ސައުތު އޭޝިއާ އެކްސްޕޮޒިޝަނާއި 23 ވަނަ ކުންމިން ފެއަރ ޝަރަފްވެރި ކޮށްދެއްވުމަށް ރައީސުލްޖުމުހޫރިއްޔާ އަބްދުއްﷲ ޔާމީން މިވަގުތު ހުންނެވީ ޗައިނާގައެވެ. ރައީސްގެ މިދަތުރުފުޅާ ގުޅިގެން ޗައިނާއާ ރާއްޖެއާ ދެމެދު ޤާއިމުވެފައިވާ އިޤްތިޞާދީ ގުޅުން އިތުރަށް ވަރުގަދަ ވެގެން ދާނެކަމަށް މިނިސްޓަރ ސައީދު ވިދާޅުވިއެވެ.