ޗައިނާ މޯލްޑިވިސް ފްރެންޑްޝިޕް ބުރިޖުން ފެށިގެން ހުޅުލެއާއި ހުޅުމާލެ ގުޅާލުމަށް ހަދާ ހައިވޭ ހެދުމަށް ބިންހިއްކާ ސަރަހައްދުގެ ބަންޑްވޯލް ޖެހުމުގެ މަސައްކަތް ފަށައިފިއެވެ.
މި މަސައްކަތް ކުރިޔައްދާކަން ހާމަކުރައްވާ ޓްވިޓާރ މެދުވެރިކޮށް މަސައްކަތް ކުރިއަށްދާ ގޮތުގެ ފޮޓޯތައް ހައުސިން މިނިސްޓަރު ޑރ. މުހައްމަދު މުއިއްޒު ވަނީ އާއްމުކުރައްވާފައެވެ. ހައުސިންގ މިނިސްޓަރ ޑރ. މުހައްމަދު މުޢިއްޒު ވިދާޅުވީ މަގު ތަރައްޤީ ކުރުމަށް ރާއްޖެއިން ބޭރުގެ ކުންފުންޏަކާއި ހަވާލުކޮށްފައިވާކަމަށާއި މަގު ތަރައްޤީކުރަމުންދަނީ އެންމެ ޒަމާނީ ފެންވަރަށް ބްރިޖާއި އެއް ފުޅާ މިނެއްގައި ކަމަށެވެ.
img:http://s4.psmnews.mv/images/660x400/15053031799288.jpg|ހައިވޭ ހެދުމަށް ބޭނުންވާ ބިން ހިއްކާ ސަރަހައްދު ވަކިކުރުމަށް ބަންޑްވޯލް އެޅުމުގެ މަސައްކަތް ކުރިއަށްދަނީ / ފޮޓޯ: ހައުސިންގ މިނިސްޓްރީ
މި މަގުގެ ސަބަބުން ހުޅުލޭ އެއަރޕޯޓަށް ދަތުރު ކުރާ މީހުންނަށް ވަރަށް ބޮޑެތި ފަސޭހަތަކެއްވެގެންދާނެއެވެ. މިމަސައްކަތް ކުރިއަށްދާއިރު ތަރައްޤީކުރާ މަގާ ގުޅިގެން ޕާކިން ޒޯންތައް ހެދުމުގެ މަސައްކަތްވެސް ކުރަމުންދާކަމަށް ހައުސިންގ މިނިސްޓަރ ވިދާޅުވިއެވެ. ހައިވޭގެ މަސައްކަތް ބުރިޖްއާއިއެކު ނިންމުމަށް ސަރުކާރުން ދަނީ މަސައްކަތް ކުރަމުންނެވެ.