"ސްވޮޕް ފެސިލިޓީގެ މުއްދަތު އިތުރުކުރުމަކީ ދެ ޤައުމުގެ ގާތް ގުޅުމުގެ ރަމްޒެއް"

އިންޑިއާގެ މަރުކަޒީ ބޭންކުން ދޫކޮށްފައިވާ ކަރަންސީ ސްވޮޕް ފެސިލިޓީގެ މުއްދަތު އިތުރުކޮށްދިނުމަކީ ދެ ޤައުމުގެ ގާތް ގުޅުން ރަމްޒުކޮށްދޭ ހެއްކެއް ކަމަށް ޚާރިޖީ ވަޒީރު އިރުތިޝާމް އާދަމް ވިދާޅުވެއްޖެއެވެ.

ވަޒީރު މިހެން ވިދާޅުވީ ކަރަންސީ ސްވޮޕް ފެސިލިޓީގެ މުއްދަތު އިންޑިއާއިން އިތުރުކޮށްފައިވާކަން އެ ޤައުމުން ހާމަކުރުމާ ގުޅިގެން ޝުކުރު އަދާކުރައްވައި ސޯޝަލް މީޑިއާގައި ހިއްސާކުރެއްވި ޕޯސްޓެއްގައެވެ.

ޚާރިޖީ ވަޒީރު އިރުތިޝާމް އާދަމް ކުރެއްވި ޕޯސްޓުގައި ވަނީ ރިޒާވް ބޭންކް އޮފް އިންޑިއާއިން މޯލްޑިވްސް މަނިޓަރީ އޮތޯރިޓީ، އެމްއެމްއޭއަށް ދޫކުރި 30 ބިލިޔަން ރުފީސްގެ ކަރަންސީީ ސްވޮޕްގެ މުއްދަތު އިތުރުކޮށްދެއްވިކަމަށްޓަކައި އެ ޤައުމުގެ ސަރުކާރަށާއި ޚާރިޖީ ވަޒީރު ޑރ. އެސް ޖަޔަޝަންކަރަށް ޝުކުރު އަދާކުރައްވާފައެވެ.

🌍 I would like to express my sincere appreciation to my dear colleague EAM @DrSJaishankar and the Government of India for their decision to rollover the first withdrawal of the INR 30 billion under the INR currency swap agreement.

This decision reaffirms the longstanding bonds of friendship between #Maldives and #India, rooted in mutual respect, understanding, and goodwill.

Under the guidance of President @MMuizzu, the Maldives has continued to strengthen relations with key bilateral partners, including India, and remains steadfast in its commitment to further deepen these ties. I commend his leadership in advancing the Maldivian economy and safeguarding the wellbeing of the Maldivian people.

🇲🇻🤝🇮🇳

@presidencymv
@MoFAmv
@MDVinINDIA
@HCIMaldives
@Finance_Min_MV
@MMA_Maldives

— Iruthisham Adam ( Iru) (@IruthishamAdam) October 16, 2026

ވަޒީރު ވިދާޅުވީ އިންޑިއާގެ މި ނިންމުމަކީ ދެ ޤައުމުގެ ދެމެދުގައި އޮތް ގާތް ރަޙުމަތްތެރިކަމުގެ ގުޅުން ރަމްޒުކޮށްދޭ ހެއްކެއް ކަމަށާއި މި ގުޅުމަކީ އެއް ޤައުމު އަނެއް ޤައުމަށް ކުރާ އިޙްތިރާމުގެ މައްޗަށް ބިނާވެފައިވާ ގުޅުމެއް ކަމަށެވެ. އަދި އިންޑިއާއާއެކު އޮތް ގުޅުން އިތުރަށް ހަރުދަނާކުރުމަށް ރާއްޖޭން މަސައްކަތް ކުރައްވާނެ ކަމަށްވެސް ވިދާޅުވިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިރުޝާދުގެ ދަށުން ރާއްޖެއިން ބައިނަލްއަޤުވާމީ މައިދާނުގައި ޤައުމުތަކާ އޮންނަ ގުޅުން އިތުރަށް ހަރުދަނާކުރަމުން އަންނަކަންވެސް ވަޒީރު ވަނީ ފާހަގަކުރައްވާފައެވެ. އަދި އެމަނިކުފާނުގެ ސަރުކާރުން ރާއްޖޭގެ އިޤްތިޞާދާއި ދިވެހިންގެ ކުރިއެރުމަށް ކުރައްވަމުންދާ މަސައްކަތްތަކަށް ވަޒީރު ވަނީ ތަޢުރީފު ކުރައްވާފައެވެ.