"ޕާކިސްތާންގެ ގުޅުމަށް ރާއްޖެއިން އަބަދުވެސް އަހައްމިއްޔަތުކަން ދޭނެ"

ޕާކިސްތާނާއެކު އޮތް ޒަމާންވީ ގާތް ގުޅުމަކީ ރާއްޖެއިން އަބަދުވެސް އަހައްމިއްޔަތުކަމެއް ދޭ ގުޅުމެއްކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސް މިފަދައިން ވިދާޅުވީ ޕާކިސްތާނުގެ މިނިވަން ދުވަހާއި ގުޅިގެން މީސްމީޑިޔާގައި ހިއްސާކުރެއްވި ޕޯސްޓެއްގައެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ޕާކިސްތާނުގެ ރައީސް އާސިފް އަލީ ޒަރްދާރީއާއި، ބޮޑުވަޒީރު މުޙައްމަދު ޝެހެބާޒް ޝަރީފަށް އަދި އެ ޤައުމުގެ ރައްޔިތުންނަށް ދުވަހުގެ ތަހުނިޔާ ދަންނަވާފައެވެ.

On the joyous occasion of the 79th Independence Day of Pakistan, I extend my warmest felicitations and best wishes to His Excellency @AAliZardari, President of Pakistan, His Excellency @CMShehbaz, Prime Minister of Pakistan, and the brotherly people of Pakistan.

The Maldives… pic.twitter.com/71NskuDyzY

— Dr Mohamed Muizzu (@MMuizzu) August 14, 2026

ރައީސުލްޖުމްހޫރިއްޔާ ވިދާޅުވީ، ދިވެހިރާއްޖެއާއި ޕާކިސްތާނާ ދެމެދު އޮތް ޒަމާންވީ ގާތް ރަހުމަތްތެރިކަމާއި އެއްބާރުލުމުގެ ގުޅުމަކީ ރާއްޖެއިން އަބަދުވެސް އަހައްމިއްޔަތުކަމެއް ދޭ ގުޅުމެއްކަމަށެވެ. އަދި ކުރިއަށް އޮތް ތަނުގައިވެސް ދެޤައުމުގެ ދެމެދުގައި އޮތް ވަރުގަދަ ގުޅުން އިތުރަށް ބަދަހިވެ ދެޤައުމުގެ ރައްޔިތުންނަށް އިތުރު ފާގަތިކަމާއި މަންފާ ލިބިގެންދިއުމަށް އެދޭކަމަށްވެސް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވިއެވެ.

🇵🇰🇲🇻
As Pakistan celebrates its 79th Independence Day, I extend my heartfelt felicitations and best wishes to the Government and the brotherly people of Pakistan. May this special occasion bring renewed hope and happiness to the people of Pakistan, and may Pakistan continue to…

— Hussain Mohamed Latheef (@HucenSembe) August 14, 2026

ޕާކިސްތާނުގެ މިނިވަންދުވަހުގެ މުނާސަބަތުގައި ނައިބު ރައީސް ހުސައިން މުހައްމަދު ލަތީފުވެސް ވަނީ އެ ޤައުމުގެ ސަރުކާރާއި ރައްޔިތުންނަށް ތަހުނިޔާ ފޮނުއްވާފައެވެ. އެގޮތުން މިއީ ޕާކިސްތާނުގެ ރައްޔިތުންނަށް އާ އުއްމީދުތަކާއި އުފާވެރިކަން ގެނުވައިދޭނެ މުނާސަބަތެއްކަމަށްވާނެކަމަށް އުއްމީދުކުރައްވާކަމަށްވެސް ނައިބު ރައީސް ވިދާޅުވިއެވެ.

ޕާކިސްތާނުގެ މިނިވަން ދުވަސް ފާހަގަކުރަނީ ކޮންމެ އަހަރެއްގެވެސް އޯގަސްޓް މަހުގެ 14ވަނަ ދުވަހުއެވެ. މިދުވަސް ފާހަކުރަނީ، އޭރު އިންޑިއާ ޕާކިސްތާނު ހިމެނޭ ސަރަހައްދުގައި އިނގިރޭސިން ކުރަމުން އައި ވެރިކަން ނިމި، ޕާކިސްތާން މިނިވަން ދައުލަތެއްގެ ގޮތުގައި އިއުލާން ކުރެވުނު ދުވަހެވެ. މިއަަހަރު ފާހަގަކުރަމުން ދަނީ ޕާކިސްތާނުގެ 79 ވަނަ މިނިވަން ދުވަހުއެވެ.