އިމާރާތްކުރާއިރު ކަރަންޓު ކޭބަލްތަކަށް ސަމާލުވާން އެދިއްޖެ!

އިމަރާތްކުރުމާއި މަގު ކޮނުމުގައި ކަރަންޓު ވިއުގައަށް ގެއްލުންނުވާ ގޮތަށް މަސައްކަތް ކުރުމަށް، ސްޓެލްކޯއިން އަނެއްކާވެސް އިލްތިމާސްކޮށްފިއެވެ.

ސްޓެލްކޯއިން މީސްމިޑިއާގައި ހިއްސާކުރި ޕޯސްޓެއްގައި ވިދާޅުވީ، ކައިރިކައިރީގައި މިފަދަ 2 ހަދިސާއެއް ހިންގައި ރައްޔިތުންނަށް އޭގެ ދަތިތަކާ ކުރިމަތިވެފައިވާކަމަށެވެ.

ސްޓެލްކޯގެ ޕޯސްޓުގައި ވިދާޅުވީ ހޯމަ ދުވަހު ހުޅުމާލެ ފޭސް 1 ގެ ބައެއް ސަރައްހދުތަކުން، ކރަންޓު ކެނޑިގެން ދިޔަ ކަމަށެވެ. އެގޮތުން ކުރެދިމާ ހިނގުމުގައި އަމިއްލަ ފަރާތަކުން ކުރިއަށްގެންދިޔަ ބިންކޮނުމުގެ ތެރޭގައި ހައިވޯލްޓޭޖް ކޭބަލަކަށް ގެއްލުންވެގެން ކަމަށް ސްޓްލްކޯއިން ވިދާޅުވިއެވެ. އަދި މިދިޔަ ބުރާސްފަތި ދުވަހުވެސް އެފަދަ ހާދިސާއެއް ހިނގި ކަމަށް ސްޓެލްކޯއިން ވިދާޅުވެއެވެ.

މިއަދު ހުޅުމާލޭގެ ފުރަތަމަ ފިޔަވަހިން ކަރަންޓުގެ ޚިދުމަތް މެދުކެނޑެން މެދުވެރިވީ، ކުރެދިމާ ހިނގުމުގައި އަމިއްލަ ފަރާތަކުން ކުރިއަށްގެންދިޔަ ޢިމާރާތްކުރުމުގެ މަސައްކަތެއްގެ ތެރެއިން ބިންކޮނުމުގެ ތެރޭގައި ހައިވޯލްޓޭޖް ކޭބަލަކަށް ގެއްލުންވުމާ ގުޅިގެން. މީގެ އިތުރުން، މިދިޔަ… pic.twitter.com/fm5wbgMhgA

— STELCO (@STELCOMALDIVES) September 28, 2026

ތަކުރާރުކޮށް މިފަދަ މައްސަލަތައް ދިމާވަމުންދާތީ ސްޓެލްކޯއިން ވަނީ ކަރަންޓުގެ ވިއުގައަށް ގެއްލުންވާ ގޮތަށް މަސައްކަތް ނުކުރުމަށް އިލްތިމާސްކޮށްފައެވެ. ސްޓެލްކޯއިން ވިދާޅުވީ މަގުކޮނުމުގެ މަސައްކަތްތައް ކުރިއަށްގެންދަވާ ހުރިހާ ފަރާތްތަކުންވެސް މިހާރަށްވުރެ ބޮޑަށް ޒިންމާދާރުވެ، ބިމުގެ އަޑީގައިވާ ކަރަންޓު ވިއުގައަށް އެއްވެސް ގެއްލުމެއް ނުވާނޭހެން މަސައްކަތްތައް ރާވައި ކުރިއަށްގެންދަން ޖެހޭ ކަމަށެވެ.

ކަރަންޓުގެ ވިއުގައަށް ގެއްލުންވެ ޚިދުމަތް މެދުކެނޑުމަކީ ޢާންމު ރައްޔިތުންނަށް އިންތިހާއަށް ދަތިތަކާ ކުރިމަތިލާންޖެހޭ ވަރަށް ބޮޑު ކަންބޮޑުވުމެއް ކަމަށް ސްޓެލްކޯއިން ވިދާޅުވިއެވެ.