އިންޑިޔާގެ ހާރބަލް ބްރޭންޑެއް ކަމަށްވާ "އަޔުރްވެދިކް" ބިއުޓީ ކެއާރއިން ބައިނަލްއަޤުވާމީ އެވޯޑުތައް ހޯދައިފައިވާ ޝާހްނާޒް ބުރޭންޑްގެ ޝޯރޫމެއް ރޭ މާލޭގައި ހުޅުވައިފިއެވެ.
" ޝާހްނާޒް ހަރބަލް" ޝޯރޫމް ރޭ ހުޅުވާފައިވަނީ ޚާއްސަ ރަސްމިއްޔާތަކާއިއެކު ލޮނުޒިޔާރަތް މަގުގައެވެ. މި" ޝޯރޫމް ހުޅުއްވައިދެއްވީ އަމިއްލަ ޖަމިއްޔާއެއް ކަމަށްވާ "ރަފީ" ޖަމިއްޔާގެ ފައުންޑިން ޕްރެޒިޑެންޓް ޢާއިޝަތު ރަފިއްޔާއެވެ.
މި ޝޯރޫމް ހުޅުއްވައިދެއްވުމުގެ ރަސްމިއްޔާތުގައި ވާހަކަ ދައްކަވަމުން، ޝާހްނާޒް ހަރބަލްސް މޯލްޑިވުސްގެ މެނޭޖިން ޑިރެކްޓަރ ވަދީފް ޙަސަން ސަޢީދު ވިދާޅުވީ ޝާހްނާޒް ބުރޭންޑުގެ ކޮސްމެޓިސް ތައްޔާރުކޮށްފައިވަނީ އޭޝިޔާގެ މީހުންގެ ހަންގަޑަށް ޚާއްސަކޮށްގެން ކަމަށެވެ.
ޝާހްނާޒް ހާބަލްސްގެ ހެއާރ ކެއާރ، ފޭޝަލް އެންޑް ބޮޑީ ސްކިން ކެއާރ އަދި ކޮސްމެޓިކް މިހާރު ރާއްޖެއިން ލިބޭއިރު މިތިން 3 ކެޓެގަރީގެ 100 އަށްވުރެ ގިނަ ޕްރޮޑެކްޓް ޝޯރޫމުގައި ހުންނާނެ ކަމަށް އެފަރާތުން މަޢުލޫމާތުދެއެވެ.
އިންޑިޔާގެ ޝާހްނާޒް ހާބަލްސް އިންކޯޕަރޭޓެޑްއިން އުފައްދާ ޝާހްނާޒް ޙުސައިން ބުރޭންޑްގެ ކޮސްމެޓިކްސްގެ ސްރީލަންކާއާއި ރާއްޖޭގެ ސޯލް ޑިސްޓްރިބިއުޓާރ އަދި ފްރެންޗައިޒް އޮތޯރިޓީއަކީ ދިވެހި ކުންފުންޏެކެވެ.