ޚަބަރު
ހައިވޭ އެކްސިޑެންޓުގައި ނިޔާވީ އިންޑިއާ ރައްޔިތެއް
-
މިއެކްސިޑެންޓު ހިނގާފައިވަނީ ރޭ 22:12 ހާއިރު
-
އެކްސިޑެންޓު ހިނގީ ސައިކަލު ކަހާލައިގެން ވެއްޓުނު ވަގުތު ފަހަތުން އައި ޕިކަޕެއްގެ ދަށުވެގެން
ހައިވޭގައި ދުއްވާ އުޅަދުތައް ފުލުހުން ޗެކްކުރުން / ފޮޓޯ: މުޙައްމަދު ވަޙީދު، ޕީ.އެސް.އެމް ނިއުސް
ހައިވޭގައި ހިނގި އެކްސިޑެންޓުގައި ނިޔާވީ އިންޑިއާއަށް ނިސްބަތްވާ ރައްޔިތެއްކަމަށް ދިވެހި ފުލުހުންގެ ޚިދުމަތުން ވިދާޅުވެއްޖެއެވެ. މިޙާދިސާގައި ނިޔާވެފައިވަނީ 50 އަހަރުގެ ފިރިހެނެކެވެ.
ހުޅުމާލެއިން މާލެއަށް ދަތުރުކުރާ ފަޅިން ހައިވޭގައި މިއެކްސިޑެންޓު ހިނގާފައިވަނީ ބުދަ ދުވަހުގެ ރޭގައެވެ. މިއެކްސިޑެންޓުގެ ރިޕޯޓު ފުލުހުންނަށް ލިބުނީ ރޭ 22:12 ހާއިރުކަމަށް ފުލުހުން ވިދާޅުވެއެވެ.
މިއެކްސިޑެންޓު ހިނގަން މެދުވެރިވީ ސައިކަލެއް ކަހާލައިގެން ވެއްޓުނު ވަގުތު ފަހަތުންއައި ޕިކަޕެއްގެ ދަށުވެގެންކަމަށް ފުލުހުންވަނީ ވިދާޅުވެފައެވެ.
މިއެކްސިޑެންޓު ތަޙުގީގުކުރަމުންދާކަމަށް ފުލުހުން ވިދާޅުވެއެވެ.