ޢުމްރާވެރިން މަދީނާއަށް ޒިޔާރަތްކޮށް ރައުޟާ ޒިޔާރަތްވެސް ނިންމާލައިފި

ޙައްޖު ކޯޕަރޭޝަންގެ ޙަވާލުގައި ރަމަޟާން މަހުގެ ފަހު 15 ގައި ޢުމްރާއަށް ދިޔަ ޢުމްރާވެރިން މިވަނީ މަދީނާއަށް ޒިޔާރަތްކޮށްފައެވެ. އެގޮތުން 300 އަށްވުރެ ގިނަ ޢުމްރާވެރިންވަނީ މަދީނާއަށް ޒިޔާރަތްކޮށްފައެވެ.

ޢުމްރާވެރިން މަދީނާއަށް ޒިޔާރަތްކޮށްފައިވާއިރު ހުރިހާ ޢުމްރާވެރިންގެ ޙާލުވެސް ޢާންމުގޮތެއްގައި ރަނގަޅެވެ. މަދީނާ ދަތުރުގައި ހޮނިހިރު ދުވަހު ޢިޝާ ނަމާދު ގަޑިއާ ދިމާކޮށް ފިރިހެން ބޭފުޅުން ރައުޟާއަށްވަނީ ޒިޔާރަތްކުރިއިރު ރޭގަނޑު ތަންކޮޅެއް ލަސްގަޑިއެއްގައި އަންހެން ބޭފުޅުންވެސް ރައުޟާއަށް ޒިޔާރަތްކޮށްފައެވެ. މިޒިޔާރަތުގައި ޙައްޖު ކޯޕަރޭޝަނުން ޙަވާލުވާންޖެހުނު އަލްއަބްރާރް ގްރޫޕްގެ 28 ޢުމްރާވެރިންވެސްވަނީ ރައުޟާއަށް ޒިޔާރަތްކޮށްފައެވެ. އޭގެތެރޭގައި 16 އަންހެނުންނާއި 9 ފިރިހެނުން ހިމެނެއެވެ.

މަދީނާ ޒިޔާރަތުގެ ތެރެއިން ޤުބާ މިސްކިތަށް ދިޔުމާއި، މަދީނާގެ ކަދުރު ބާޒާރާއި އުޙުދުގެ މައިދާނަށް ޒިޔާރަތްކުރުމަށްވަނީ ހަމަޖެހިފައެވެ.
ރަމަޟާން މަހު ޢުމްރާއަށް ދިޔަ ފަރާތްތަކުން މައްކާގެ އާސާރުތަކަށް ޒިޔާރަތްކޮށްފައިވާއިރު، ޠާއިފަށްވެސް ޒިޔާރަތްކުރުމަށްވަނީ ހަމަޖެހިފައެވެ.