ޓުވެންޓީ20 ކްރިކެޓް މުބާރާތުގައި މިހާތަނަށް ހެދި އެންމެ އަވަސް ސައްތައާއެކު ދެކުނު އެފްރިކާ ބަލިކޮށް ނިއުޒީލޭންޑް މުބާރާތުގެ ފައިނަލަށް ދަތުރު ކޮށްފި އެވެ.
އިންޑިޔާގެ ކަލްލަތާގައި ކުޅުނު މެޗުގައި ފުރަތަމަ ކުޅެން ނުކުތީ ދެކުނު އެފްރިކާ އެވެ. 20 އޯވަރު ތެރޭގައި އެ ގައުމަށް ހެދުނީ 169 ލަނޑެވެ. ޖަވާބުގައި ނިއުޒީލޭންޑް ކުޅެން ނުކުމެ 12.5 އޯވަރު ތެރޭގައި މޮޅުވެގެން ފޭބީ އެއް ކުޅުންތެރިން ނުބައިވެގެން 173 ލަނޑު ހަދައިގެންނެވެ.
މިއީ މި މުބާރާތުގައި އުދުހެމުން ކަހަލަ ގޮތަކަށް އައި ދެކުނު އެފްރިކާގެ އެންމެ ދަށް ނަތީޖާ އެވެ. މި މެޗުގައި ނިއުޒީލޭންޑްގެ ފިން އަލެން ސައްތަ ހެދީ އެންމެ 33 ބޯޅައިންނެވ. މީގެ ކުރިން މި ރެކޯޑް އޮންނަނީ ވެސްޓް އިންޑީޒްގެ ކްރިސް ކޭލްގަ އަތުގަ އެވެ. އޭނާ 100 ލަނޑު ހަމަކޮށްފައިވަނީ 47 ބޯޅައިންނެވެ.
މެޗަށް ފަހު އަލެން ބުނީ އޭނާ މަސައްކަތް ކުރީ އަމިއްލަ ރެކޯޑަކަށްވުރެ ބޮޑަށް ޓީމު މޮޅު ކޮށްދޭން ކަމަށެވެ.
"އަހަރުމެން ބޭނުންވީ ރަނގަޅަށް ފަށަން. ވިކެޓްތައް ފުރަތަމަ އޯވަރުތަކުގައި ނުގޮސް އަހަރުމެންނަށް ބެޓިން ހިފަހައްޓޭނެކަން ކަށަވަރުވީމަ އަހަރެން ބާރު ބޯޅަތައް ޖަހަން ފެށީ. އަހަރެން ކުރިން ހިއެއް ނުކުރަން މިއީ ރެކޯޑެއް ކަމެއް. އެކަމަކު އެކަން އެނގުމުން ވަރަށް އުފާ ވެއްޖެ،" އަލެން ބުންޏެވެ.
މުބާރާތުގަ ފައިނަލުގައި ނިއުޒީލޭންޑާ ވާދަ ކުރާނީ މިއަދު އިންޑިޔާ އާއި އިންގްލޭންޑް ބައްދަލުކޮށް މޮޅުވާ ޓީމެކެވެ.