ރޯދަ ބަދިގެ: "ކަންޓްރީ ޗިކަން އިން ގްރޭވީ"

ރޯދަ ބަދިގޭގައި މިއަދު ގެނެސްދޭނީ "ކަންޓްރީ ޗިކަން އިން ގްރޭވީ" ތައްޔާރުކުރާނެގޮތެވެ. މި ޑިޝްގައި ހިމެނެނީ ކްރިސްޕީ ޗިކަން، ގްރޭވީ އަދި މޭޝްޑް ޕޮޓެއިޓޯއެވެ.

ޕީއެސްއެމް ނިއުސްގެ "ރޯދަ ބަދިގެ" ކޮންމެ ދުވަހަކުވެސް ގެނެސްދެނީ ހުޅުލެ އައިލެންޑް ހޮޓެލްގެ އެހީތެރިކަމާއެކުއެވެ.

ބޭނުންވާ ތަކެތި

ބޯންލެސް ޗިކަން
ޕާސްލީ
ފުށްކޮޅެއް
އަސޭމިރުސް މުގުރާފަ
ޕެޕްރިކާ
ތައިމް
ކޯންފްލެކްސް
ބަޓަރ
ޗިކަން ސްޓޮކް
ލޮނު
ކިރު

ތައްޔާރުކުރާނެގޮތް:

މިރެސިޕީގައި ބޭނުންކުރަނީ ބޯންލެސް ޗިކަންއެވެ. އެގޮތުން ކިރު، އަސޭމިރުސް، ލޮނު އެއްކޮށްލުމަށްފަހު، އޭގެތެރޭގައި ކުކުޅުކޮޅު ފޯކޮށްލަން 10ވަރަކަށް މިނިޓްވަންދެން ބާއްވާނީއެވެ. އެއަށްފަހު ކުކުޅުކޮޅުގެ ބޭރުގައި ކޮންފްލެކްސް ލުމަށްފަހު އަވަނުގައި 30 މިނިޓްވަންދެން ފިހެލާނީއެވެ.

ގްރޭވީ(ވައިޓް ސޯސް):

ތަވައެއްގައި ބަޓަރުކޮޅު ހޫނުކޮށްލުމަށްފަހު، އޭގެތެރެއަށް ފުއްކޮޅެއް އަޅާ އެއްކޮށްލާނީއެވެ. އެއަށްފަހު ކިރާއި، ޗިކަން ސްޓޮކް އެއްކޮށްލާނީއެވެ. ދެން މަޑު ގިނީގައި ކައްކާލާނީއެވެ.

މޭޝްޑް ޕޮޓެއިޓޯ:

އަލުވި މަޑުކޮށްލުމަށްފަހު ރަނގަޅަށް މޮޑެލާނީއެވެ. އެއަށްފަހު އަލުވީގެ ތެރެއަށް ބަޓަރާއި، ކިރުކޮޅެއް އަޅާފައި ތަވާގައި މަޑުގިނީގައި އެއްކޮށްލާނީއެވެ.

މި ޑިޝްއަކީ ލުއިކޮށް ކާން ބޭނުންވާ ފަރާތްތަކަށް ރަމަޟާންމަހު ތައްޔާރުކޮށްލަން ރަނގަޅު ޑިޝްއެކެވެ.