ފަރުމަސްވެރިކަމަށް ނިކުމެ އުޅުނު ޑިންގީއެއް ބަންޑުން ޖަހާލައިފި

ތިން މީހުންނާއެކު ފަރުމަސްވެރިކަން ކުރަން ނިކުތް ޑިންގީއެއް ބަންޑުން ޖަހާލައިފިއެވެ.

އެމްއެންޑީއެފުން ވިދާޅުވީ ޑިންގީއެއް ބަންޑުން ޖަހާލި ޚަބަރު މިއަދު ހެނދުނު 06:11 ހާއިރު ލިބުމާއެކު، އެ ޑިންގީ ހޯދުމުގެ މަސައްކަތް ފެށިކަމަށެވެ. އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން ކުރި މަސައްކަތުން ޑިންގީ މިއަދު ހެނދުނު 09:32 ހާއިރު ހޯދާފައިވާ ކަމަށް އެމްއެންޑިއެފުން ވިދާޅުވިއެވެ.

ތިން މީހުންނާ އެކު ފަރުމަސްވެރިކަން ކުރަމުންދިޔަ ޑިންގީއެއް ބަންޑުން ޖަހާލިކަމުގެ މަޢުލޫމާތު، މިއަދު ހެނދުނު 06:11 ހާއިރު ލިބުމާއެކު، އެ ޑިންގީ ހޯދަމުން ދަނިކޮށް އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން ކުރި މަސައްކަތުން 09:32 ހާއިރު ހޯދައިފި. pic.twitter.com/Peh8B4xIGq

— Maldives National Defence Force (@MNDF_Official) October 25, 2024

މި ޑިންގިން ދަތުރުކުރި ތިން މީހުންގެ ހާލު ރަނގަޅުކަމަށް އެމްއެންޑީއެފުން ވިދާޅުވެއެވެ.