ކްރިމިނަލް ކޯޓުގެ މިއަދުގެ ޝަރީޢަތްތައް ކެންސަލްކޮށްފި

ކްރިމިނަލް ކޯޓުން މިއަދަށް ތާވަލުކޮށްފައިވާ މައްސަލަތައް ކެންސަލް ކޮށްފިއެވެ.

އެކޯޓުން އެކްސްގައި ކޮށްފައިވާ ޕޯސްޓެއްގައި ވަނީ މާލެއަށް ކުރަމުންދާ ވިއްސާރައާ ގުޅިގެން މިއަދު ސަރުކާރު ބަންދުކޮށްފައިވާތީ އާއި ވިއްސާރައިގެ ސަބަބުން، ކޯޓުގެ އިމާރާތަށް ފެނުގެ އަސަރު ކޮށްފައިވާތީ، ކޯޓުން ތާވަލުކޮށްފައިވާ ހުރިހާ މައްސަލަތައް ކެންސަލް ކޮށްފައިވާކަމަށެވެ.

ނަމަވެސް، ބަންދާމެދު ގޮތެއް ނިންމުމުގެ މަޖިލިސްތަކާއި ކޯޓު އަމުރު ނެރުމުގެ މަސައްކަތް ކުރިއަށް ގެންދާނެކަމަށްވެސް އެކޯޓުން ވަނީ ބުނެފައެވެ.

ވިއްސާރަވުމުގެ ސަބަބުން ކްރިމިނަލް ކޯޓުގެ އިމާރާތަށް ފެނުގެ އަސަރު ކުރާ މައްސަލައަކީ އެކޯޓުން މީގެ ކުރިންވެސް ކަންބޮޑުވުން ފާޅުކޮށްފައިވާ މައްސަލައެކެވެ. މީގެ ސަބަބުން އިމާރާތުގެ އިތުރުން އިލެކްޓްރޯނިކް ސާމާނުތަކަށްވެސް ވަނީ ގެއްލުންވެފައެވެ.

ވިއްސާރަވާ ދުވަސްތަކުގައި ކްރިމިނަލް ކޯޓު ހުންނަ އިމާރާތުގައި ބައެއް ގާޒީންގެ ކޮޓަރިތަކަށްވެސް ފެނުގެ އަސަރު ކުރެއެވެ.