"ހިޔަލަ ވީކެންޑް މަރކެޓް" މިއަދު ފުވައްމުލަކު ސިޓީގައި ފަށަނީ

އެކި ވިޔަފާރިތައް ހިންގާ ދިވެހި ކަނބަލުންގެ އުފެއްދުންތައް ވިއްކުމަށް ޚާއްސަކޮށްގެން ހަފްތާ ބަންދުގައި ބިޒްނަސް ސެންޓަރ ކޯޕަރޭޝަން ބާއްވަމުން އަންނަ "ހިޔަލަ ވީކެންޑް މަރކެޓް" މިއަދު ފުވައްމުލަކު ސިޓީގައި ފަށާނެއެވެ.

މި މާކެޓް ފަށާނީ މިއަދު ހަވީރު 4 ޖަހާއިރުރުއެވެ. މި މާކެޓް ކުރިއަށްދާނީ މިއަދާއި މާދަމާ ހަވީރު 4 އިން އިރުއޮއްސި 6 އަކަށެވެ. އަދި ރޭގަނޑު 8 އިން 11 އަށްކަމަށް ބީސީސީން މައުލޫމާތުދެއެވެ.

ބީސީސީން ބުނީ ފުވައްމުލަކުގައި ބާއްވާ ހިޔަލަ ވީކެންޑް މާކެޓްގައި 46 އަންހެން ވިޔަފާރިވެރިން ބައިވެރިވާކަމަށެވެ. މިފަހަރުގެ ހިޔަލަ މާރކެޓުގައި ލިބެން ހުންނާނެ ތަކެތީގެ ތެރޭގައި، ކާބޯތަކެތި، އަންނައުނާއި ގަހަނާ، ފަންނުވެރި މަސައްކަތްތައް، ސްކިން ކެއަރ، ހޯމްޑެކޯރ ހިމެނޭކަމަށް ބީސީސީން ބުނެއެވެ.

ޙިޔަލަ މާރކެޓަކީ 2021 ވަނަ އަހަރުން ފެށިގެން ކޮންމެ އަހަރަކު އަތޮޅުތެރޭގައި ބީސީސީގެ ފަރާތުން ބާއްވަމުން އަންނަ މާރކެޓެކެވެ. އެގޮތުން އެންމެ ފުރަތަމަ ހިޔަލަ މާރކެޓް، ހިޔަލަ އެކްސްޕޯގެ ނަމުގައި 2021 ވަނަ އަހަރު ބޭއްވީ ހދ. ކުޅުދުފުއްށީގައެވެ. 2022 އަދި 2023 ވަނަ އަހަރުވެސް މި އެކްސްޕޯ ބޭއްވީ ހދ.ކުޅުދުފުށީގައެވެ. މިހާރު "ހިޔަލަ ވީކެންޑް މަރކެޓް" ފުޅާކޮށް އެކި ރަށްރަށުގައި ބޭއްވުމަށް ބީސީސީން ދަނީ މަސައްކަތް ކުރަމުންނެވެ.