މި ޢީދުގައި ދިވެހީންގެ އެކުވެރިކަމުގެ ސަފުތައް ވަރުގަދަކުރުމަށް ނައިބު ރައީސް އެދިވަޑައިގެންފި

މި ޢީދުގައި އަޅުގަނޑުމެންގެ އެކުވެރިކަމުގެ ސަފުތައް ވަރުގަދަކުރުމަށް ޢަޒުމްކަނޑައެޅުމަށް ރައީސުލްޖުމްހޫރިއްޔާގެ ނައިބު އަލްއުސްތާޛް ޙުސައިން މުޙައްމަދު ލަޠީފް އެދިވަޑައިގެންފިއެވެ.

ސޯޝަލް މީޑިއާގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާގެ ނައިބު ވަނީ އަޟްޙާ ޢީދުގެ ހެޔޮއެދުމާއި ތަހުނިޔާ, މުސްލިމް އެންމެހާ އަޚުންނާއި އުޚްތުންނަށް އަރިސްކުރައްވާ ކަމަށް ވިދާޅުވެފައެވެ.

މިއަހަރުގެ އަޟްހާ ޢީދަކީ ޖޫން 16ވާ އާދީއްތަ ދުވަހެވެ. އަޟްހާ ޢީދު ފާހަގަކުރަނީ ޙައްޖު މަހުގެ 10ވަނަ ދުވަހުއެވެ.

މިއަހަރުގެ އަޟްހާ ޢީދު ރާއްޖޭގެ އެކި ރަށްރަށުގައި ކުލަގަދަކޮށް ފާހަގަކުރުމަށް ވަނީ ނިންމާފައެވެ. ޢީދު ކުޅިވަރުތަކުގައި ދިވެހީންގެ ރީތި އާދަކާދަތަކާ ބީރަށްޓެހި، ފުރެއްދޭ ސަގާފަތްތައް މަސްހުނި ނުކުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ އިލްތިމާސްކުރައްވާފައެވެ.