އެޗްޑީސީގެ ސީއޯއޯއަށް އަޙްމަދު އިބްރާހީމް

ހައުސިންގ ޑިވެލޮޕްމަންޓް ކޯރޕަރޭޝަން، އެޗްޑީސީގެ ޗީފް އޮޕަރޭޓިން އޮފިސަރު، ސީއޯއޯގެ މަގާމަށް އަޙްމަދު އިބްރާހީމް އައްޔަނުކޮށްފިއެވެ.

އޭނާ މީގެ ކުރިން މަސައްކަތްކުރައްވާފައިވަނީ ޝަރުއީ ދާއިރާގައެވެ. އެދާއިރާގައި 10 އަހަރަށްވުރެ ގިނަ ދުވަހު މަސައްކަތްކުރައްވާފައިވެއެވެ. އޭނާ ގެންދަވަނީ އެ ދާއިރާއިން މަތީ ތައުލީމު ޙާސިލުކުރައްވަމުންނެވެ. މީގެ ކުރިން ހުޅުމާލޭ ކޯޓުގައި ކޯޓު އޮފިސަރެއްގެ މަގާމުގައި ހުންނަވަނިކޮށް 2021 ވަނަ އަހަރު އޭނާ ވަނީ އެ މަގާމުން ވަކިކުރައްވާފައެވެ.

އަހުމަދު އިބްރާހީމަކީ ދިޔަރެސް ނޫހުގެ ކޯ ފައުންޑަރެއްގެ އިތުރުން އެ ނޫހުގެ މެނޭޖިން ޑިރެކްޓަރެވެ.

އެޗް.ޑީ.ސީގެ ޗީފް އޮޕަރޭޓިން އޮފިސަރު (ސީއޯއޯ)ގެ މަގާމަށް އަހުމަދު އިބްރާހިމް އައްޔަންކުރައްވަން އެކުންފުނީގެ ބޯޑުން ނިންމެވީ އިއްޔެއެވެ. އެކުންފުނީގެ މެނޭޖިންގ ޑިރެކްޓަރުގެ މަޤާމަށް މިދިޔަމަހުގެ 28ވަނަ ދުވަހު އައްޔަންކުރައްވާފައިވަނީ ފަޒުލް ރަޝީދެވެ.