ރައީސް ޑރ. މުޢިއްޒާއި، ޤާސިމް ބައްދަލުކުރައްވައިފި
-
ބައްދަލުކުރެއްވުން އޮތީ ރައީސް އޮފީހުގައި
-
ބައްދަލުވުމާއި ގުޅޭ ތަފްސީލް އަދި ހާމަނުކުރައްވާ
ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރު ޤާސިމް އިބްރާހީމް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި މިއަދު ބައްދަލުކުރައްވައިފިއެވެ.
މި ބައްދަލުކުރެއްވުން އޮތީ ރައީސުލްޖުމްހޫރިއްޔާގެ އޮފީހުގައެވެ. ނަމަވެސް އެ ބައްދަލުވުމާއި ގުޅޭ ތަފްސީލް އަދި ހާމަކުރައްވާފައެއް ނުވެއެވެ.
ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރު އޮނަރަބަލް ޤާސިމް އިބްރާހީމް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި މިއަދު ބައްދަލުކުރައްވައިފި. މި ބައްދަލުކުރެއްވުން އޮތީ ރައީސުލްޖުމްހޫރިއްޔާގެ އޮފީހުގައި. pic.twitter.com/DHyqg9d0HX
— The President's Office (@presidencymv) December 20, 2023
ރައީސުލްޖުމްހޫރިއްޔާއާއި ޤާސިމް އިބްރާހީމް ބައްދަލުކުރައްވާފައިވާއިރު، ކުރިއަށް އޮތް ރައްޔިތުންގެ މަޖިލީހުގެ އިންތިޚާބާއި ގުޅޭގޮތުން ވެރިކަކުރާ ޕީޕީއެމް/ޕީއެންސީއާއި، ޤާސިމްގެ ޖުމްހޫރީ ޕާޓީން ވަނީ މަޝްވަރާކުރައްވާފައެވެ.
އެންމެ ފަހުން ބޭއްވި ރައްޔިތުންގެ ޖަލްސާގައި ޤާސިމް ވަނީ މި ސަރުކާރުގެ ވަޒީރުންނަށް ރުހުން ހޯދުމަށް މަޖިލީހަށް ފޮނުއްވާފައިވާ މައްސަލަ އަވަސް ކުރަން ޖެހޭކަމަށް ވިދާޅުވެ ވާހަކަފުޅު ދައްކަވާފައެވެ.