މަޖިލީހަށް ނައިބު ރައީސަކު އިންތިޚާބުކުރުން މިރޭ
-
ނައިބު ރައީސްކަމުން އީވާ އިސްތިއުފާދެއްވީ މިއަދު
-
މަޤާމުން އިސްތިއުފާދެއްވީ އިތުބާރު ނެތްކަމުގެ މައްސަލަ ހުށައަޅާފައިވަނިކޮށް
-
ނައިބެއް އިންތިޚާބުކުރުމަށް މިރޭ ޖަލްސާއެއް ބާއްވަން ވަނީ ނިންމާފައި
ރައްޔިތުންގެ މަޖިލީހަށް ނައިބު ރައީސަކު އިންތިޚަބުކުރުމަށް މިރޭ ޖަލްސާއެއް ބާއްވަން ނިންމައިފިއެވެ.
ރައްޔިތުންގެ މަޖިލީހުގެ ނާއިބު ރައީސް އިންތިޚަބުކުރުމަށް ޖަލްސާއެއް ބޭއްވެވުމަށް ނިންމެވީ، ކުރިން އެ މަޤާމު ފުރުއްވަމުން ގެންދެވި ގަލޮޅު އުތުރު ދާއިރާގެ މެންބަރު އީވާ ޢަބްދުﷲގެ އިތުބާރު ނެތްކަމުގެ މައްސަލަ ކުރިއަށް ގެންދަވަން ނިންމާފައިވަނިކޮށް، އެ މަޤާމުން އިސްތިއުފާދެއްވުމުންނެވެ.
އީވާގެ އިތުބާރު ނެތްކަމުގެ މައްސަލަ މިއަދުގެ ޖަލްސާގައި ކުރިއަށް ގެންދިޔައިރު، އީވާ ވަނީ އެ ޤަރާރަށް ވާހަކަފުޅު ދައްކަވާފައެވެ. އިވާ އިސްތިއުފާދެއްވީ މިއަދުގެ ޖަލްސާއަށް މައްސަލަ އެޖެންޑާކޮށް ކުރިއަް ގެންދަވަނިކޮށެވެ. އީވާ އިސްތިއުފާދެއްވީ މަޤާމުން ވަކިކުރުމުގެ މައްސަލައިގެ ޖަލްސާ ހިނގަމުންދަނިކޮށް ކަމަށްވާތީ އެޖަލްސާ ކުރިއަށް ގެންދިއުމަށް ބައެއް މެމްބަރުން އެދުނެވެ. އެހެންނަމަވެސް އީވާ އިސްތިއުފާދެއްވުމާ ގުޅިގެން ޖަލްސާ އިތުރަށް ކުރިއަށް ނުގެންދެވޭނެކަން އެންގުމަށްފަހު ރިޔާސަތުން ވަނީ ޖަލްސާ ނިންމަވާލައްވާފައެވެ.
މަޖިލީހަށް ނައިބު ރައީސަކު އިންތިޚާބުކުރާ ޖަލްސާ އޮންނާނީ މިރޭ 20:30ގައެވެ.