ޖުމްހޫރީ ޕާޓީން ޕީއެންސީގެ ލީޑަރޝިޕާއި ބައްދަލުކޮށްފި
-
މިބައްދަލުކުރެއްވުމުގައި ރައީސުލްޖުމްހޫރިއްޔާ އަދި ޕީއެންސީގެ ރައީސް ބައިވެރިވެވަޑައިގެންނެވި
-
މިބައްދަލުވުމަކީ ކުރިއަށް އޮތް ރައްޔިތުންގެ މަޖިލީހުގެ އިންތިޚާބާ ގުޅޭގޮތުން ބޭއްވި ބައްދަލުވުމެއް
ޖުމްހޫރީ ޕާޓީން ޕީއެންސީގެ ލީޑަރޝިޕުގެ ބޭފުޅުންނާއި ބައްދަލުކޮށްފިއެވެ.
މިބައްދަލުކުރެއްވުމުގައި ރައީސުލްޖުމްހޫރިއްޔާ އަދި ޕީއެންސީގެ ރައީސް ޑރ.މުހައްމަދު މުއިއްޒު ބައިވެރިވެވަޑައިގެންނެވިއެވެ. އަދި ޕީއެންސީގެ ޗެއަރޕާރސަން ޢަބްދުއްރަހީމް ޢަބްދުﷲ ޕާޓީގެ އިސް ބައެއް ބޭފުޅުންވެސް ބައިވެރިވަޑައިގެންނެވިއެވެ. ޖުމްހޫރީ ޕާޓީގެ ފަރާތުން މިބައްދަލުވުމުގައި އިސްކޮށް ހުންނެވީ ޕާޓީގެ ޑެޕިއުޓީ ލީޑަރު އަދި ކުރީ ސަރުކާރުގެ ޓްރާންސްޕޯޓް މިނިސްޓަރު އާއިޝަތު ނަހުލާއެވެ.
މިބައްދަލުވުމަކީ ކުރިއަށް އޮތް ރައްޔިތުންގެ މަޖިލީހުގެ އިންތިޚާބާ ގުޅޭގޮތުން ބޭއްވި ބައްދަލުވުމެއް ކަމަށް ޖުމްހޫރީ ޕާޓީން ހާމަކުރެއެވެ. އެހެންނަމަވެސް ބައްދަލުވުމާ ގުޅޭ އިތުރު ތަފްސީލެއް އެޕާޓީން ހާމަކޮށްފައެއް ނުވެއެވެ.
އަންނަ އަހަރު ބާއްވާ ރައްޔިތުންގެ މަޖިލިހުގެ އިންތިޚާބުގައި ޕީޕީއެމް/ޕީއެންސީން ކޯލިޝަނުން މަޖިލީހުގެ 70އަށް ވުރެގިނަ ގޮނޑި ކާމިޔާބު ކުރާނެ ކަމަށެވެ އެކޯލިޝަނުން ކުރިންވަނީ ބުނެފައެވެ.