އެމެކްސް ކާޑު ބޭރުގެ މުއާމަލާތްތަކުގައި ބޭނުންކުރެވޭގޮތަށް ބީއެމްއެލްއިން ހަމަޖައްސައިފި

ދިވެހި ރުފިޔާގެ އެކައުންޓުތަކާއި ލިންކްކޮށްފައިވާ ބީއެމްއެލް އެމެރިކަން އެކްސްޕްރެސް (އެމެކްސް) ކާޑުތައް ބޭނުން ކޮށްގެން ބޭރުގެ މުއާމަލާތްތަކުގައި ބޭނުން ކުރެވޭ ގޮތަށް ބީއެމްއެލް އިން ހަމަޖައްސައިފިއެވެ.

ބީއެމްއެލްއިން ބުނީ އެމެކްސް ޑެބިޓް ކާޑު ބޭނުން ކޮށްގެން ކޮންމެ މަހަކު ވެސް 250 ޑޮލަރަށްވާ ވަރަށް ބޭރުގެ މުއާމަލާތްތައް ކުރެވޭނެކަމަށެވެ. މިއީ ވިސާ ޑެބިޓް ކާޑުތަކުން ވެސް ބޭރުގެ މުއާމަލާތްތައް ހިންގުމަށް ބީއެމްއެލް އިން ކަނޑައަޅާފައިވާ ލިމިޓެވެ.

Foreign transactions now possible with your BML American Express Debit Cards linked to MVR accounts pic.twitter.com/c2oOITASMw

— Bank of Maldives (@bankofmaldives) August 17, 2023

މިއީ ދިވެހި ރުފިޔާގެ އެކައުންޓުތަކާ ލިންކްކޮށްފައިވާ ބީއެމްއެލް އެމެކްސް ކާޑުތައް ބޭނުން ކޮށްގެން ބޭރުގެ މުއާމަލާތްތައް ކުރެވޭގޮތަށް ހެދި ފުރަތަމަ ފަހަރެވެ. މިދިޔަ އަހަރު އެބޭންކުންވަނީ އެމެކްސް ޑެބިޑް ކާޑު ޔޫއެސް ޑޮލަރު އެކައުންޓާއި ލިންކު ކޮށްފައިވާނަމަ ރާއްޖޭން ބޭރުގައިވެސް ބޭނުންކުރެވޭ ގޮތަށް ހަދާފައެވެ.

ޑެބިޓް ކާޑުގެ ޕްރައިމަރީ އެކައުންޓް، ޔޫއެސް ޑޮލަރު އެކައުންޓާއި ލިންކު ކުރުމުން 3،000 ޑޮލަރާ ހަމައަށް އޮންލައިންކޮށް އަދި ރާއްޖޭން ބޭރުގައި ކުރާ މުއާމަލާތްތަކަށް ބޭނުން ކުރެވޭ ގޮތަށް ބީއެމްއެލްއިން އެއިރު ހަމަޖެއްސިއެވެ.