އައްޑޫ ސިޓީ / ފޮޓޯ: ގޫގުލްއާތް
އައްޑޫ ސިޓީގައި ކާރު ޑްރައިވަރަކަށް ޙަމަލާދީ، ޑްރައިވަރުގެ ގައިގައި ދަތްއަޅައި ޒަޚަމްކޮށްލިކަމުގެ ތުހުމަތުގައި ދިވެއްސަކު އައްޑޫ ސިޓީން ހައްޔަރުކޮށްފިއެވެ.
މިމައްސަލައިގައި ކޯޓު އަމުރެއްގެ ދަށުން ހައްޔަރުކޮށްފައިވަނީ ޢުމުރުން 29 އަހަރުގެ ދިވެހި ފިރިހެނެއް ކަމަށް ފުލުހުން މަޢުލޫމާތުދެއްވައެވެ. އައްޑޫ ސިޓީ ހިތަދޫގައި ކާރު ޑްރައިވަރެއްގެ އަތުގައާއި ބޮލުގައި ދަތްއަޅައި ޒަޚަމްކުރިމަކުގެ މަޢުލޫމާތު ފުލުހުންނަށް ރިޕޯޓް ކޮށްފައިވަނީ ރޭ 23:00 ހާއިރު ކަމަށް ފުލުހުން މަޢުލޫމާތުދެއްވައެވެ.
މިމައްސަލާގައި ހައްޔަރުކޮށްފައިވާ މީހާއަކީ ގުރޫޕް ހަދައިގެން ތޫނު ހަތިޔާރު ބޭނުންކޮށްގެން މާރާމާރީ ހިންގުމާއި ހަތިޔާރުން ބިރުދައްކައިގެން ފޭރުމާއި މަސްތުވާ ތަކެތީގެ ކުށުގެ ރެކޯޑް އޮންނަ މީހެއް ކަމަށް ފުލުހުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ