ސެޓްފިކެޓް އިން އާކިޓެކްޗަރ ޑިޒައިންގެ ކޯހެއް އަލަށް މިލަދުންޑުލު އުތުރުބުރީ މިލަންދޫގައި ފެށުމަށް ހަމަޖެހިފައިވާކަމަށް މިލަންދޫ ކައުންސިލުން ވިދާޅުވެއްޖެއެވެ.
މި ކޯހަކީ ޔޫތު މިނިސްޓްރީއާއި އެންސީއޭއާއި މިލަންދޫ ކަންސިލް އިދާރާ ގުޅިގެން އެރަށުގައި ފެށުމަށް ހަމަޖެހިފައިވާ 1 މަސްދުވަހުގެ ފުލްޓައިމް ކޯހެކެވެ. މިކޯހުގައި ކިޔަވައިދެއްވާ ނޭޝަނަލް ސެންޓަރ ފޯރ އާޓްސްގެ ކޯޑިނޭޓަރ އަލީ އާމިރު ވިދާޅުވި ގޮތުގައި ރައީސުލްޖުމްހޫރިއްޔާގެ އިސްނެންގެވުމުގެ މަތީން ފެށުމަށް ހަމަޖެހިފައިވާ މިކޯހަކީ މިލަންދޫގެ ޒުވާނުންނައި ސްކޫލްކުދިންނަށް އަމާޒުކޮށްގެން އެއް މަސްދުވަހުގެ މުއްދަތަށް ކުރިއަށް ގެންދިއުމަށް ހަމަޖެހިފައިވާ އެކަޑަމިކް ކޯހެއް ކަމަށާ، އެމްކިއުއޭ ގަބުލްކުރާ ފެންވަރަށް ބެއްވޭ ކޯސް ނިންމުމަށްފަހު މި ކޯހުން ފާސްވާ ކުދިންނަށް އިންޓީރިއަރ ޑިޒައިން، ގްރެފިކްސް ޑިޒައިން، މަލްޓިމީޑިއަރ ފައިންއާޓްސް ފަދަ ގުޅުން ހުރި ދާއިރާތަކުން ހަޔަރ ސްޓަޑީސްއަށް ދާން މިފައުންޑޭޝަން އެހީތެރިވެދޭނެކަމަށް އޭނާ ވިދާޅުވިއެވެ.
މި ކޯސް އިފްތިތާހްކޮށް ކުރިއަށް އޮތް ހަފްތަތެރޭ ފެށުމަށް ވަނީ ހަމަޖެހިފައެވެ.