މާފުށީ ޖަލުގައި ޤައިދީންނަށް އަނިޔާ ކުރަމުންދާކަމަށް ދެކެވޭ ވާހަކަތަށް ކޮމިޝަނަރ އޮފް ޕްރިޒަންސް އަޙްމަދު މުހައްމަދުފުޅު ދޮގު ކުރައްވައިފިއެވެ.
ސީޕީ މިފަދަ ޓުވީޓެއް ކުރެއްވީ މާފުށީ ޖަލުގައި ހަރުކަށި ފިކުރުގެ މީހުން ބައިތިއްބާފައިތިބޭ ސްޝަލް މެނޭޖްމަން ޖަލު ނުވަތަ މާފުށީ ޖަލުގެ ޔުނިޓް 11ގެ ޤައިދީންނަށް އަނިޔާ ކުރަމުންދާކަމަށް ބައެއް މީޑިއާތަކުގައި ދައްކަމުންދާ ވާހަތަކާއި ގުޅިގެންނެވެ.
މާފުށި ޖަލުގެ ޔުނިޓް 11 ގެ ޤައީދީންނަށް އަނިޔާ ކުރަމުންދާ ކަމަށް ދައުރުވަމުންދާ ވާހަކަ އަކީ ހަގީގަތާ ހިލާފު ވާހަކައެވެ. އެ ޔުނިޓްގެ އެއްވެސް ޤައިދީއަކަށް އަނިޔާއެއް ކޮށްފައެއް ނުވޭ އަދި އެޔުނިޓުގައި ބަނޑުހައި ހޫނުކަމުގެ ހަޅުތާލެ ކުރިއަކަށްނުދޭ.
— Ahmed Mohamed (@ahumadhumohamed) February 23, 2023
ސީޕީ އަހުމަދު ވިދާޅުވީ ޖަލުގެ ޔުނިޓް 11 ގެ ޤައީދީންނަށް އަނިޔާ ކުރަމުންދާ ކަމަށް ދައުރުވަމުންދާ ވާހަކައަކީ ހަގީގަތާ ޚިލާފު ވާހަކައެއް ކަމަށެވެ. އަދި އެ ޔުނިޓްގެ އެއްވެސް ޤައިދީއަކަށް އަނިޔާއެއް ކޮށްފައިނުވާކަމަށާއި، އެޔުނިޓުގައި ބަނޑުހައި ހޫނުކަމުގެ ހަޅުތާލެއްވެސް ކުރިއަކަށްނުދާކަމަށް ސީޕީ ވިދާޅުވިއެވެ.
ޖަލުގައި ހުކުމް ތަންފީޒު ކުރަމުންދާ ގައިދީންގެ ތެރެއިން ހަރުކަށި ފިކުރަށް ނިސްބަތްވާ މީހުން ބައިތިއްބާފައި ތިބެނީ ޚާއްސަ ޖަލެއްގައެވެ. މިދިޔަ ހަފްތާގައިވެސް އެ ޔުނިޓްގައި ތިބޭ ގައިދީން ވަނީ ޖަލުގައި ހަމަނުޖެހުން ހިންގަން މަސައްކަތް ކޮށްފައެވެ. ނަމަވެސް ފުލުހުންނާއި، ކަރެކްޝަންގެ އޮފިސަރުން ވަނީ ހުއްޓުވާފައެވެ.