ބަހުގެ ހިދުމަތް މާލޭގެ ފެށުމުން ދަތުރުފަތުކުރުމަށް ފަސޭހަ ހަރަދުކުޑަ ހިދުމަތެއް ރައްޔިތުން ބޭނުންވާކަން ފުރަތަމަ ހަތަރު މަހުގެ ހިސާބުތަކުން އެނގުނެވެ. ދުވާލެއްގެ މައްޗަށް އެވެރެޖްކޮށް 4000 މީހުން ބަހަށް އަރާ އެކި ބޭނުންތަކަށް ދަތުރުކުރިއެވެ. ގްރޭޓަރ މާލޭ ސަރަހައްދުން ބަހުގެ ހިދުމަތް މިހާތަނަށްވެސް ނުލިބި އޮތީ ވިލިމާލެއަށް އެކަންޏެވެ. ރާއްޖެ ޓްރާންސްޕޯޓް ލިންކުން ވިލިގިނލީގައި ދަތުރުތައް މިދިޔަ ހުކުރު ދުވަހުއެވެ.
ގިނަ ބަޔަކު ދިރިއުޅޭ އަދި އެކި އެކި ބޭނުންތަކަށް މާލެއިން މީހުން ދަތުރުކުރާ ވިލިގިނލީގައި ދަތުރު ފަތުރުކުރެވޭނެ ފަސޭހަ އިންތިޒާމުތަކެއް ނެތުމުން އެކަމުގެ ޝަކުވާތައް އިންތިހާއަށް އޮތެވެ. ކުރިން ބަގީތަކެއް ބޭނުންކޮށް ހިދުމަތް ދެމުން އައިނަމަވެސް ބަގީ މަދުވެ ހިދުމަތް ލިބުން ލަސްވެ ދަތިވަމުން އައިސް އެންމެފަހު އެ ހިދުމަތްވެސް ހުއްޓުނީއެވެ. އެހެން އެކަން އޮންތާވެސް ލައްކަ ދުވަސް ވެދާނެއެވެ.
ދަތުރުފަތުރުން މުޅި ރާއްޖެ ގުޅާލުމަށް ރާއްޖެ ޓްރާންސްޕޯޓް ލިންކުން ކުރަމުން އަންނަ މަސައްކަތުގެ ދަށުން ވިލިމާލޭގައި ބަހުގެ ޚިދުމަތް ފެށީ މިމަހުގެ 20 ވީ ހުކުރުދުވަހުއެވެ. 6 ބަހެއް ގެންގޮސް ބަހުގެ ހިދުމަތްތައް ފެށުމުން މިވީ 4 ވަރަކަށް ދުވަހު ދަތުރުކުރި މީހުންގެ އަދަދަށް ބަލާލުމުން ވިލިމާލޭ ރާއްޔިތުންވެސް މި ޚިދުމަތް ބޭނުންކަން އެނގެއެވެ. ބަސް ދުއްވަން ފެށި ދުވަސް ފިޔަވާ ދެން މިދިޔަ ކޮންމެ ދުވަހަކު އެވެރެޖްކޮށް 1000 މީހުން ބަހުގެ ބޭނުން ހިފައިފިއެވެ. މިދިޔަ ހަތަރު ދުވަހު 8100 ވުރެ ގިނަ މީހުންވަނީ ބަހުގައި ދަތުރުކޮށްފައެވެ.
ދަތުރަށް މީހުން އެރި އަދަދު
- ހުކުރު ދުވަހު 462 މީހުން ( ހިދުމަތް ފެށި ދުވަހު )
- ހޮނިހިރު ދުވަހު 1733 މީހުން
- އާދިއްތަ ދުވަހު 2517 މީހުން
- އަންގާރަ ދުވަހު 3393 މީހުން
ވިލިމާލޭގައި ކޮންމެ ދުވަހަކު ބަހުގެ ހިދުމަތް ހޯދާ އަދަދަށް ބަލާލުމުން މި އަދަދު އެއްދުވަހުން އަނެއް ދުވަހަށް އިތުރުވަމުން އަންނަ ކަން ހިސާބުތަކުން ފެނެއެވެ. ވިލިމާލެއަކީ ތިމާވެއްޓާއި ރައްޓެހި އަދި ތިމާވެއްޓަށް ހާއްސަ ސަމާލުކަމެއްދީގެން ބަލަހައްޓާ ރަށެއްކަމުން އެރަށުގައި ބޭނުންކުރަމުން ދަނީ އިލެކްޓްރިކް ވެހިކަލް، އީވީ ބަސްތަކެވެ. ޖުމްލަ 6 ބަހާއި އެކު ފެށި ޚިދުމަތް 2 ހަފްތާވަންދެން ދެމުން އަންނަނީ އެއްވެސް އަގެއް ނުނަގައެވެ.
އެމްޓީސީސީން ބުނީ ވިލިމާލޭގައި ދަތުރުތަކަށް ނަގާނެ އަގު ކަނޑައެޅުމުގެ މަސައްކަތް މިހާރު ކުރަމުން އަންނަކަމަށެވެ. ވިލިމާލޭގައި ބޭނުންކުރާ ބަހުގައި އެއްފަހަރާ 15 މީހުންނަށް ދަތުރުކުރެވޭނެއެވެ. އަދި ބަސް ދަތުރުކުރާ މަގުތައް ކަނޑައަޅާފައިވަނީ އާއްމު ބޭނުންތަކަށް ދާންޖެހޭ ތަންތަނަށް ދެވޭނެ ގޮތަށެވެ. އަދި ރަށަށް ޒިޔާރަތްކުރާ މީހުން ބޭނުންވާ ބީޗްތަކަށް ދެވޭނެ ރޫޓްތައްވެސް ވަނީ ކަނޑައަޅާފައެވެ.
މާލޭގައި މިނީބަހުގެ ހިދުމަތް ފަށާ ހިލޭ ދަތުރުކުރުމުގެ ފުރުސަތު ދިން މުއްދަތުގައި 257,863 (ދެލައްކަ ފަންސާސް ހަތް ހާސް އަށް ސަތޭކަ ފަސްދޮޅަސް ތިނެއް) މީހުން ވަނީ ބަހުގެ ޚިދުމަތް ހޯދާފައެވެ. އަދި އޭގެފަހުން އަގު ނަގުނަގައިގެން ދަތުކުރަން ފެށިފަހުން ދުވާލެއްގެ މައްޗަށް އެވެރެޖްކޮށް 4000 މީހުން އަންނަނީ ވަހުގައި ދަތުރުކުރަމުންނެވެ. ޑިސެމްބަރު މަހު 120،430 މީހުންވަނީ ވެރިރަށް މާލޭގައި ބަހުގެ ޚިދުމަތް ބޭނުންކޮށްފައެވެ.