ރަސްފަންނު ސަރަހައްދުން 4 ގަޑިއިރުގެ ތެރޭގައި 279 ކިލޯގެ ކުނި ނަގައިފިއެވެ. ރަސްފަންނު ސާފުކުރުމުގެ މަސައްކަތް ކޮށްފައިވަނީ މިއަދު ހެނދުނުން 8 އިން 12 އަަށެވެ. މިކަމުގައި ޑައިވް ޑެސްކާއި ސޭވްދަބީޗާއި ވެމްކޯއާއި މާލޭ ސިޓީ ކައުންސިލްގެ އިތުރުން ބިދަބީން އިން ބައިވެރިވެފައެވެ.
ކުނީގެ ގޮތުގައި ރަސްފަނުން އެންމެ ގިނައިން ނަގާފައިވަނީ ޕްލާސްޓިކް ކޮތަޅެވެ. އެ ސަރަހައްދުން ނެގި ކޮތަޅުގެ އަދަދަކީ 1673 އެވެ. ދެން އެންމެ ގިނައިން ނެގި ޕްލާސްޓިކް ފުޅިއެވެ. 84.1 ކިލޯފެ ޕްލާސްޓިކް ފުޅި ވަނީ އެ ސަރަަހައްދުން ނަގާފައެވެ. މި ތަކެތީގެ އިތުރުން 9 ބާވަތެއްގެ ކުނި ވަނީ ނަގާފައެވެ.
ރަސްފަނުން ނެގި އިތުރު ކުނީގެ ބާވަތްތައް
36.6 ކިލޯގެ ފިޝިންގިއަރ
36.50 ކިލޯގެ ލަކުޑި
32.45 ކިލޯގެ ފޮތި
19 ކިލޯގެ ކަރުދާސް
13 ކިލޯގެ ބިއްލޫރި
12 ކިލޯގެ ދަޅު
4.5 ކިލޯގެ ދަގަނޑު
4 ކިލޯގެ ރެގިފޯމް
3 ކިލޯގެ ރަބަރު
ރަސްފަންނު ސާފުކުރުމަށް ކުރިޔަށް ގެންދިޔަ މި ހަރަކާތުގައި 40 ފަރާތަކުން ވަނީ ބައިވެރިވެފައެވެ. އެކި ސަރަހައްދުތައް ސާފުކުރުމަށް ދޭތެރެ ދޭތެރެއިން މިފަދަ ޕްރޮޮގްރާމްތައް ހިންގި ނަމަވެސް ސާފުކުރާ ކޮންމެ ފަހަރަކު ގިނަ އަދަދެއްގެ ކުނި އަންނަނީ ނަގަމުންނެވެ.