މިދިޔަ އަހަރު އިޢުލާނުކޮށްފައިވާ ބޮލީވުޑް ކުޅަދަނާ ޑައިރެކްޓަރު ސަންޖޭ ލީލާ ބަންސާލީގެ މިޔުޒިކް އަލްބަމް "ސުކޫން" ވަނީ މިމަހުގެ 7 ވަނަ ދުވަހު ރިލީޒްކޮށްފައެވެ.
މި އަލްބަމްގައި 9 ލަވަ ހިމެނޭއިރު، މި ލަވަތައް ކިޔާފައި ވަނީ އިންޑިއާގެ މަޝްހޫރު ލަވަކިޔުންތެރިންނެވެ. އޭގެ ތެރޭގައި ޝްރެޔާ ގޯޝާލް، ރާޝިދު ޚަން، އަރުމާން މާލިކް އަދި ސާހިލް ހާޑީ ހިމެނެއެވެ.
"ސުކޫން" ގެ ޓްރެކް ލިސްޓުވެސް މިހާރު ވަނީ އާންމުކޮށްފައެވެ. ގެ ޓްރެކް ލިސްޓްގައި ހިމެނޭ ލަވަތަކަކީ "ގާލިބް ހޯނާ ހޭ"، "ތުޖޭ ބީ ޗާންދު"، "ދަރުދު ޕައްތަރޯން ކޯ"، "ގަރާރު"، "ގަމް ނާ ހޯނޭ"، "ސިވާ ތޭރޭ"، "ހަރް އޭކް ބާތު" އަދި "މުސްކްރާހަޓް" އެވެ.
"ހަމް ދިލް ދޭ ޗުކޭ ސަނަމް" އާއި "ދޭވްދާސް" ފަދަ ރީތި ފިލްމުތައް ގެނެސްދިން ބަންސާލީ އެންމެ ފަހުން ޑައިރެކްޓްކުރި 5 ފިލްމުގެ މިއުޒިކް ވެސް އޭނާ ހެދީ އަމިއްލައަށެވެ. އެއީ މި އަހަރުގެ "ގަންގޫބާއީ ކަތިއަވާޅީ" އާއި 2018 ގެ "ޕަދުމާވަތު" އާއި 2015 ގެ "ބަޖިރާއޯ މަސްތާނީ" އާއި 2013 ގެ "ރާމް ލީލާ" ގެ އިތުރުން 2010 ގެ "ގުޒާރިޝް" އެވެ.
މި ހުރިހާ ފިލްމުތަކަށް ބަންސާލީ ހެދި ހުރިހާ ލަވައެއް ވެސް ވަރަށް މަޤުބޫލުވިއެވެ.