މާލީ ދާއިރާއަށް ހުރި ގޮންޖެހުންތައް ދެނެގަނެ، އެ ގޮންޖެހުންތައް ކުޑަކުރުމަށް ސިޔާސަތު ބަދަލުކުރަންޖެހޭކަަމަށް މަރުކަޒީ ބޭންކުގެ ގަވަނަރު އަލީ ޙާޝިމް ވިދާޅުވެއްޖެއެވެ.
މޯލްޑިވްސް މަނިޓަރީ އޮތޯރިޓީ، އެމްއެމްއޭގެ ގަވަރުނަރު އަލީ ހާޝިމް މިހެން ވިދާޅުވީ ޕެންޝަން އޮފީހުން އިންތިޒާމްކުރި "މޯލްޑިވްސް ފައިނޭންސް ފޯރަމް" ޝަރަފުވެރިކޮށްދެއްވާ ވާހަކަފުޅު ދައްކަވަމުނެވެ.
ގަވަނަރު އަލީ ހާޝިމް ވިދާޅުވީ ރާއްޖެއަށް ކުރިމަތިވި އެންމެ ބޮޑު އެއް ކާރިސާއަކީީ ކޯވިޑް-19ގެ ބަލިމަޑުކަންކަމާށާއި، އިޤްތިޞާދުގެ މިސްރާބު ބަދަލުކޮށް އިޤްތިޞާދުގެ ވިލުންވެރިކަން ދެމެހެއްޓުމުގައި މާލީ ދާއިރާގެ ދައުރު ވަރަށް ބޮޑު ކަމަށެވެ. އެގޮތުން، ކޯވިޑް-19ގެ ހާލަތުގައި ރާއްޖޭގެ އުފެއްދުންތެރިކަން 17 އިންސައްތައަށް ކުރިއަރުވާފައިވާކަމަށް ގަވަރުނަރު ވިދާޅުވިއެވެ. އަދި 10 އިންސައްތައަށް ވުރެ އިތުރަށް ނުވަތަ ގާތްގަންޑަކަށް 31.2 ބިލިއަން ރުފިޔާގެ ލޯނު ފޯރުކޮށްދީފައިވާނެކަމަށްވެސް ގަވަނަރު ފާހަގަކުރެއްވިއެވެ.
ގަވަނަރު ވިދާޅުވީ، މާލީ އިދާރާތަކުގެ ރެގިއުލޭޓަރުގެ ހައިސިއްޔަތުން އެމްއެމްއޭގެ މައިގަނޑު މަގްސަދަކީ މާލީ ހަމަޖެހުން ދެމެހެއްޓުމާއި، މާލީ ނިޒާމަށް ހުރި ނުރައްކާތައް ދެނެގަނެ، ނުރައްކާތަކާ ކުރިމަތިލުމުގެ ގާބިލްކަން ދެނެގަތުމާއި، މާލީ ނިޒާމުގެ ސިއްޙަތު ރައްކާތެރިކުރުމަށް ސިޔާސަތުތައް ތަންފީޒުކުރުންކަމަށެވެ.
"ރާއްޖެ ފަދަ ގައުމަކަށް މޫސުމަށް އަންނަ ބަދަލުތަކުގެ ސަބަބުން ބޮޑެތި ގެއްލުންތަކެއް ލިބުމުގެ ނުރައްކާ އަބަދުވެސް އެބައޮތް. އެހެންކަމުން ބޭންކްތަކަށާއި، މާލީ ނިޒާމަށް ނުރައްކާވެދާނެ ގޮތް ދެނެގަންނަން ޖެހޭ ކަމަށް އަޅުގަނޑު ދެކެން. އަޅުގަނޑު ދެކެނީ މި ފޯރަމަކީ މޫސުމަށް އަންނަ ބަދަލުތަކުގެ ސަބަބުން ކުރިމަތިވާ މާލީ ނުރައްކާތައް ދެނެގަނެ، މިނެކިރުމާއި، މޮނިޓަރކޮށް ބެލެހެއްޓުމަށް ވަރަށް ރަނގަޅު ޕްލެޓްފޯމެއް ކަމަށް". ގަވަނަރު ވިދާޅުވިއެވެ.
ގަވަރުނަރު ވިދާޅުވީ ރާއްޖޭގެ އިޤްތިސާދު ކުރިއެރުވުމަށްޓަކައި ޕްރައިވެޓް ސެކްޓަރގެ ދައުރު ވަރަށް މުހިއްމުކަމަށާއި ރާއްޖޭގެ މާލީ ދާއިރާ ކުރިއެރުވުމަށް ދައުލަތުގެ މުއައްސަސާތަކާއި އެއްވަރަށް ޕްރައިވެޓް ސެކްޓަރގެ އެއްބާރުލުން ވަރަށް ބޮޑަށް ބޭނުންވާކަމަށެވެ. އަދި މިކަން ކުރެވޭނީ ވިޔަފާރީގެ ގުޅުން ހަރުދަނާކޮށް އެކި ދާއިރާތަކަށް އިޤްތިޞާދީގޮތުން ކުރިއެރުން ހޯދައިދީގެންކަމަށްވެސް ގަވަނަރު ވިދާޅުވިއެވެ.
ރާއްޖޭގެ މާލީ ދާއިރާ ކުރިއަރުވައި އިތުރަށް ޚަރުދަނާ ކުރުމަށްޓަކައި އެމްއެމްއޭއިން ކުރަމުންދާ މަސައްކަތްތައްވެސް ގަވަރުނަރު ފާހަގަކުރެއްވިއެވެ.
"ކްރެޑިޓް އިންފޮމޭޝަން ސިސްޓަމްގެ މަސައްކަތްތަކާއި ލެޖިސްލޭޓިވް ފްރޭމްވޯކް ހަރުދަނާ ކުރުމުގެ މަސައްކަތް މިހާރު ދަނީ ކުރަމުން. މީގެ އިތުރުން، މޫވަބަލް ޕްރޮޕަޓީތަކަށް ސެކިއުރޑް ޓްރާންސެކްޝަންސް ރަޖިސްޓްރީގެ ވަށައިގެންވާ ލެޖިސްލޭޓިވް ފްރޭމްވޯކް ފައިނަލްކޮށް، ލޯނާއި އެހެނިހެން ބާވަތްތަކުގެ ކްރެޑިޓް ފެސިލިޓީތައް ލިބޭނެ އިންތިޒާމު ހަމަޖެއްސުމާއި، އެކަމަށް ބާރުއެޅުމުގެ މަސައްކަތް ވެސް މިދަނީ ކުރަމުން." ގަވަނަރު ވިދާޅުވިއެވެ.
ގަވަރުނަރު ވިދާޅުވީ ޒަމާނުއްސުރެ އިންތިޒާރު ކުރަމުން އަންނަ "އިންސްޓަންޓް ޕޭމަންޓް ސިސްޓަމް"، އައިޕީއެސްގެ ޑިޖިޓަލް އައިޑީ ސިސްޓަމްތަކުގެ ޚިދުމަތްތައް ފެށުމުގެ ގޮތުން އާ ޤަވާއިދެއް އެކުލަވާލުމަށް ކަމާއިބެހޭ ފަރާތްތަކާއި ހިއްސާ ކުރުމަށް ހަމަޖެހިފައިވާކަމަށްވެސް ގަވަނަރު ވިދާޅުވިއެވެ.
މިއަހަރުގެ ފިނޭންސް ފޯރަމްގެ ޝިޢާރަކީ "ފައިނޭންޝިއަލް އިންފްރާސްޓޤރަކްޗަރ ޑިވެލޕްމެންޓް"އެވެ. މި ޝިޢާރުގެ ދަށުން، ޕެންޝަން އޮފީހުގެ އިސް ފަރާތަތަކާއި، މާލީ ދާއިރާގައި ހަރަކާތްތެރިވާ ސަރުކާރުގެ އެހެނިހެން އޮފީސްތަކާއި އަމިއްލަ ކުންފުނިތަކުން މި ފޯރަމްގައި ބައިވެރިވެފައިވެއެވެ.